පොලිතීන් මලු නොමිලේ ලබා දීම අවසන් කර, එවැනි මලු සඳහා නොවැම්බර් 01 සිට විශේෂ ගාස්තුවක් අය කිරීමට ගැසට් නිවේදනයක් නිකුත් කරන බව පරිසර අමාත්යවරයා ඇතුළු වගඋත්තරකරුවන් ශ්රේෂ්ඨාධිකරණයට දැනුම් දී තිබේ.
පොලිතීන් භාවිතය හේතුවෙන් ඇතිවන පාරිසරික හානි අවම කිරීමේ කටයුතු කරන ලෙස ඉල්ලා පරිසර යුක්ති මධ්යස්ථානය ඉදිරිපත් කළ මූලික අයිතිවාසිකම් පෙත්සම අද (01) කැඳවූ අවස්ථාවේදී මෙම තොරතුරු හෙළි විය.
අදාළ නඩුවේදී, නියෝජ්ය සොලිසිටර් ජෙනරාල් ආචාර්ය අවන්ති පෙරේරා සඳහන් කළේ, නොවැම්බර් 01 සිට ෂොපිං බෑග් සඳහා ගාස්තුවක් අය කිරීමට හැකිවන පරිදි ගැසට් නිවේදනය නිකුත් කිරීමට අපේක්ෂා කරන බවය.
ඇතැම් සුපිරි වෙළෙඳසැල් සහ වෙළඳ ආයතනවලින් නොමිලේ ලබාදෙන ෂොපිං මලු මත බද්දක් පැනවීම පිළිබඳව 2024 මාර්තු මස දීද අමාත්යවරයා එකඟතාව පළ කර තිබුණා. නමුත් එය ක්රියාත්මක නොකිරීම නිසා මෙම පෙත්සම ඉදිරිපත් කළ බව පරිසර යුක්ති මධ්යස්ථානය වෙනුවෙන් නීතිඥ ආචාර්ය රවින්ද්රනාත් දාබරේ අධිකරණයට දැනුම් දුන්නා.
මෙහිදී, නව ගැසට් නිවේදනය පිළිබඳව පරිසර යුක්ති මධ්යස්ථානය එකඟතාව පළ කළ අතර, ඒ අනුව නඩුව අවසන් කිරීමටද අධිකරණය නියම කළේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
