ආසියානු කුසලාන ක්රිකට් තරගාවලියේ සුපිරි හතරදෙනාගේ වටයේ පළමු තරගයේදී බංගලාදේශය කඩුලු 4ක ජයක් ලබා ගනිමින් ශ්රී ලංකාව පරාජයට පත් කිරීමට සමත් වුණා.
කාසියේ වාසිය දිනාගත් බංගලාදේශ නායකයා, ශ්රී ලංකාවට පළමුව පන්දුවට පහර දීමට ආරාධනා කළ අතර, ශ්රී ලංකා කණ්ඩායම පන්දුවාර 20 අවසානයේ කඩුලු 7ක් දැවී ලකුණු 168 ක් ලබා ගත්තා.
මෙහිදී දසුන් ශානක නොදැවී ලකුණු 64ක්, කුසල් මෙන්ඩිස් ලකුණු 34ක්, පැතුම් නිස්සංක ලකුණු 22ක් සහ නායක චරිත් අසලංක ලකුණු 21ක් ලබා දුන් අතර, බංගලාදේශ පන්දු යවන්නන්ගෙන් මහෙදි හසන් කඩුලු 2ක් දවා ගත්තා. තස්කින් අහ්මද් හා මුස්තෆිසුර් රහ්මාන් එක් කඩුල්ලක් බැඟින් බිඳ දැමීමට සමත් වුණා.
ඊට පිළිතුර ලෙස පිටියට පැමිණි බංගලාදේශ පන්දුවාර 19කදී කඩුලු 6ක් දැවී සිටියදී අවශ්ය ලකුණු ඉලක්කය පසුකර ජය ගැනීමට සමත් විය.
