ග්රෑන්ඩ්පාස් පොලිස් වසමේ මහවත්ත ඔර්ලෝසු කණුව අසළදී පසුගිය 5 වැනිදා යතුරුපැදියකින් පැමිණි දෙදෙනෙක් විසින් පුද්ගලයෙකුට වෙඩි තබා ඝාතනය කිරීමේ සිද්ධිය සම්බන්ධයෙන් සැකකරුවන් දෙදෙනෙකු අත්අඩංගුවට ගෙන තිබේ.
මෙම ඝාතනය සම්බන්ධයෙන් කොළඹ උතුර කොට්ඨාස අපරාධ විමර්ශන කාර්යාංශය සිදු කළ විමර්ශනවල ප්රතිඵලය අනුව, සැකකරුවන්ට මෙම අපරාධය සඳහා ආධාර සහ අනුබල සැපයූ බවට චෝදනා පදනම් කරගෙන ඊයේ (07) අත්අඩංගුවට ගෙන ඇති බව පොලීසිය සදහන් කළේය.
අත්අඩංගුවට ගත් පුද්ගලයින් 31 සහ 32 වයස්වල පසුවන කොළඹ 15 ප්රදේශයේ පදිංචිකරුවන් බව ද පොලීසිය තවදුරටත් පවසයි. ඉන් අනතුරුව, සිද්ධිය සම්බන්ධයෙන් වැඩිදුර විමර්ශන ග්රෑන්ඩ්පාස් පොලීසිය මගින් සිදු කෙරෙන බව ද නිවේදනය කර ඇත.
