ජපාන අගමැති ෂිගේරු ඉෂිබා තම අගමැතිධුරයෙන් ඉල්ලා අස්වීමට තීරණය කර ඇති බව විදෙස් මාධ්ය වාර්තා කරයි.
ඔහු මෙම තීරණය ගෙන ඇත්තේ අද (07) වන දිනයේදීය. එමඟින් ලෝකයේ සිව්වන විශාලතම ආර්ථිකය නව දේශපාලන අර්බුදයකට මුහුණ දීමට සිදුවන බව විදෙස් වාර්තා සඳහන් කරයි. තම පාලක පක්ෂය තුළ ඇති විය හැකි ගැටුම් සහ භේදතා තරමකින්වත් වැළැක්වීම සඳහා මෙය කළ මැදිහත් වීමක් බවද සදහන් වේ.
ඉෂිබා අද දිනයේ එරට වේලාවෙන් සවස 6ට විශේෂ මාධ්ය හමුවක් කැඳවා තමාගේ තීරණය පිළිබඳව නිල වශයෙන් දැනුම් දීමට නියමිතය.
ජූලි මස පැවති මැතිවරණයේදී ඔහුගේ ලිබරල් ප්රජාතන්ත්රවාදී පක්ෂය ප්රමුඛ සන්ධානයට මුහුණ දුන් දැවැන්ත පරාජය මත ඉල්ලා අස්විය හැකි බවට පසුගිය සති කිහිපය තුළ පළ වූ වාර්තා ඉෂිබා ප්රතික්ෂේප කළේය. එහෙත් අද නිකුත් කළ නිවේදනයෙන් ඔහුගේ අවසන් තීරණය හෙළිදරව් වී ඇත. මෙම මැතිවරණ පරාජය හේතුවෙන් ඉෂිබාගේ සන්ධානයට තම ප්රධාන ප්රතිපත්ති ක්රියාත්මක කිරීම දැඩි අභියෝගයකට මුහුණ දී තිබේ.
