ශ්රී ලංකාව සහ සිම්බාබ්වේ කණ්ඩායම් අතර දෙවන විස්සයි විස්ස ක්රිකට් තරගය අද (6) හරාරේ ක්රීඩාංගණයේ දී පැවැත්වේ.
මෙම තරගය ශ්රී ලංකා වේලාවෙන් පස්වරු 5.00ට ආරම්භ වීමට නියමිතය. පළමු තරගය ජයගත් ශ්රී ලංකා කණ්ඩායම මේ වනවිට තරගාවලියේ 1-0කින් පෙරමුණ ගෙන සිටින අතර, අද තරගය ද ජය ගැනීමට සමත් වුවහොත් තවත් තරගයක් ඉතිරිව තිබියදීත් තරගාවලියේ ජය තහවුරු කර ගැනීමට හැකි වනු ඇත. අදට නියමිත තරගය, සිම්බාබ්වේ දේශයේ දී ශ්රී ලංකාව ක්රීඩා කරන පළමු ද්විපාර්ශ්වීය විස්සයි විස්ස තරගාවලියට අයත් වීම ද මෙහි විශේෂත්වයක් උසුලයි.
