උඩරට දුම්රිය මාර්ගයේ හපුතලේ – ඉදල්ගස්හින්න අතර ගමන් කළ මෝටර් ට්රොලියක් ඊයේ (30) රාත්රියේ පිලීපැනීමෙන් බදුල්ල – කොළඹ දුම්රිය ධාවන කටයුතු බාධාට ලක්ව ඇතැයි දුම්රිය පාලන මධ්යස්ථානය නිවේදනය කරයි.
දුම්රිය දෙපාර්තමේන්තුවේ නිලධාරීන් ගමන් කරමින් තිබූ එම ට්රොලිය දෙමෝදර සිට නානුඔය බලා ගමන් කරමින් සිටියදී අනතුරට ලක්වූ බවත්, මේ හේතුවෙන් කොළඹ – බදුල්ල විශේෂ සීඝ්රගාමී (අංක 1007) දුම්රිය ඔහිය දුම්රිය ස්ථානයේ ද, බදුල්ල – කොළඹ රාත්රී තැපැල් දුම්රිය (අංක 1046) හපුතලේ දුම්රිය ස්ථානයේද නවතා තබා ඇති බවද සඳහන් කළේය.
අදාළ ට්රොලිය පිළිගැනීම සඳහා බදුල්ලෙන් දුම්රිය සේවකයන් රැගත් ආපදා රථයක් පිටත් කර ඇති බව දුම්රිය දෙපාර්තමේන්තුවේ ප්රකාශකයෙකු තවදුරටත් පැවසීය.
