2025 වසරේ ගතවූ පළමු මාස 06 තුළ අල්ලස් ගැනීමේ සිදුවීම් සම්බන්ධයෙන් පුද්ගලයන් 34 දෙනෙකු අත් අඩංගුවට ගෙන ඇති බව අල්ලස් හා දූෂණ කොමිෂන් සභාව සඳහන් කරයි.
ජනවාරි 01 වනදා සිට ජුනි 30 දක්වා කාලය අතර කොමිසමට පැමිණිලි 3022 ක් ලැබී ඇති බව වැඩි දුරටත් සඳහන් වෙයි.
එහිදී වැටලීම් 54ක් ද, සැකකරුවන් අත්අඩංගුවට ගැනීම් 34ක්ද වාර්තාවේ.
සැකකරුවන් අතර පොලිස් නිලධාරීන් 10 දෙනෙක්, අධිකරණ අමාත්යාංශයේ නිලධාරීන් 05 දෙනෙක්, සෞඛ්ය අමාත්යාංශයේ නිලධාරීන් දෙදෙනෙකු මෙන්ම ලංකා ගමනාගමන මණ්ඩලයේ නිලධාරීන් දෙදෙනෙකු ද සිටින බවයි වාර්තා වන්නේ.
එසේම වසරේ ගත වූ කාලය තුළ අල්ලස් ලබාගැනීමේ සිදුවීම් සම්බන්ධයෙන් දිවයිනේ විවිධ අධිකරණවල පුද්ගලයින් 60 දෙනෙකුට එරෙහිව නඩු 50ක් ගොනු කර ඇති බවත්, ඊට අමතරව අදාළ කාලය තුළ නඩු 06 ක් අවසන් වී ඇති බවද, දිවයින පුරා අධිකරණවල අල්ලස් ලබාගැනීමේ සිදුවීම් සම්බන්ධ නඩු 273 ක් විභාග වෙමින් පවතින බවයි අල්ලස් හෝ දූෂණ චෝදනා විමර්ශන කොමිෂන් සභාව වැඩිදුරටත් ප්රකාශ කර තිබෙනවා.
