ශ්රී ලංකා පොදුජන පෙරමුණේ හිටපු පාර්ලිමේන්තු මන්ත්රී තිස්ස කුට්ටිආරච්චි මහතා අද (ජූලි 29) කොළඹ දිසා අධිකරණය හමුවේ පෙනී සිටිමින්, ජනාධිපති අනුර කුමාර දිසානායක මහතා සම්බන්ධයෙන් තමන් කළ ප්රකාශයක් පිළිබඳව කොන්දේසි විරහිතව කණගාටුව පළ කර තිබෙනවා.
මෙම සිදුවීම වාර්තා වුණේ ජනාධිපති අනුර කුමාර දිසානායක මහතා විසින් තමන්ට සිදුවූ අපහාසය වෙනුවෙන් රුපියල් බිලියන දහයක වන්දියක් ඉල්ලා තිස්ස කුට්ටිආරච්චි මහතාට එරෙහිව ගොනු කර තිබූ නඩුවක් කැඳවූ අවස්ථාවේදීයි. කුට්ටිආරච්චි මහතා සිය නීතිඥයන් මාර්ගයෙන් අධිකරණයට දන්වා ඇත්තේ තමන් කළ ප්රකාශය ගැන පසුතැවෙන බවයි.
ඔහුගේ සමාව දීමෙන් පසු, දෙපාර්ශ්වයේම එකඟත්වය ඇතිව නඩුව සමථයකට පත් කිරීමට කොළඹ දිසා අධිකරණය තීරණය කර තිබෙනවා.
