සීතාවක ප්රාදේශීය සභාවේ සභාපතිවරයකු පත්කර ගැනීමට බස්නාහිර පළාත් කොමසාරිස් සාරංගිකා ජයසුන්දර මහත්මිය අද (ජූලි 15) දැරූ උත්සාහය ද ව්යර්ථ විය. ඒ, සභාපති තෝරාගැනීම සඳහා රහස් ඡන්දයක් පැවැත්වීමට විරෝධය පළ කරමින් විපක්ෂ මන්ත්රීවරු සභාගැබෙන් පිටව යාම හේතුවෙනි.
සභාපතිවරයා තෝරා පත්කර ගැනීම සඳහා බස්නාහිර පළාත් කොමසාරිස්වරියගේ ප්රධානත්වයෙන් අද පෙරවරුවේ සීතාවක ප්රාදේශීය සභා රැස්වීම කැඳවා තිබුණි.
රැස්වීම ආරම්භයේදීම, සමගි ජන බලවේගය ප්රමුඛ විපක්ෂය යෝජනා කළේ සභාපතිවරයා තෝරා පත්කර ගැනීම සඳහා විවෘත ඡන්දයක් පැවැත්විය යුතු බවයි. එහෙත්, ඊට විරෝධය පළ කළ ජාතික ජන බලවේගය යෝජනා කළේ ඒ සඳහා රහස් ඡන්දයක් පැවැත්විය යුතු බවයි.
යෝජනා දෙකක් ඉදිරිපත් වීමත් සමඟ, සභාපතිවරයා තෝරා පත්කර ගැනීමට රහස් ඡන්දයක් පැවැත්විය යුතු බවට කොමසාරිස්වරිය ඉදිරිපත් කළ යෝජනාවට විරෝධය පළ කරමින් විපක්ෂයේ මන්ත්රීවරු සභාවෙන් පිටව ගියහ. මේ හේතුවෙන් සභාවේ ඝන පූරණය නොමැති වූ අතර, කොමසාරිස්වරියට නැවත වරක් සභාව කල් තැබීමට සිදුවිය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
