දේශීය වෙළෙඳපොළේ බුලත් සහ පුවක් මිල ගණන් සීඝ්රයෙන් ඉහළ යාම හේතුවෙන් තම දෛනික වෙළෙඳාම් කටයුතු අඩාල වී ඇති බව හැටන් ප්රදේශයේ බුලත්-පුවක් වෙළෙඳසැල් හිමිකරුවෝ පවසතිවෙළෙඳුන් පෙන්වා දෙන පරිදි, මේ වන විට පීදුණු බුලත් කොළයක් රුපියල් 10කටත්, රැහැන් බුලත් කොළයක් රුපියල් 8කටත්, කුඩා බුලත් කොළයක් රුපියල් 7කටත් වැනි තොග මිල ගණන් යටතේ ලබා ගැනීමට සිදුව තිබේ. මෙම තත්ත්වය මත බුලත් කොළ 40කින් යුත් බුලත් අතක් රුපියල් 350 සිට 450 දක්වා මිලකට අලෙවි කිරීමට සිදුව ඇති බව ඔවුන් සඳහන් කරයි.
බුලත් මිල ඉහළ යාමට සමගාමීව පුවක් මිලද ඉහළ ගොස් ඇති අතර, මේ හේතුවෙන් බුලත් විටක් රුපියල් 70ක් වැනි ඉහළ මිලකට අලෙවි කිරීමට සිදුව ඇති බව වෙළෙඳුන් වැඩිදුරටත් පැවසීය.
බුලත් මිල මෙලෙස ඉහළ යාමට ප්රධාන හේතුව වී ඇත්තේ බුලත්වලට රෝගයක් වැළඳීම හේතුවෙන් බුලත් ඵලදාව අඩු වීම බව හැටන් ප්රදේශයේ බුලත්-පුවක් අලෙවි කරන වෙළෙඳුන් පෙන්වා දෙයි. ඉල්ලුමට සරිලන සැපයුමක් නොමැති වීම නිසා මෙම මිල ඉහළ යාම සිදුව ඇත.
එමෙන්ම, පුවක් ඵලදාව මෙම දිනවල සිදු නොවන බැවින් පුවක් මිලද ඉහළ ගොස් ඇති බව ඔවුහු වැඩිදුරටත් කියා සිටියහ.
බුලත් සහ පුවක්වල මිල ඉහළ යාම හේතුවෙන් තම දෛනික වෙළෙඳාම් සීඝ්රයෙන් පහළ වැටී ඇති බව වෙළෙඳුන් පවසයි. දෛනික කටයුතු සඳහා බුලත් තොග මිලදී ගැනීමට විශාල මුදලක් වැය කිරීමට සිදුවුවද, එයින් ලැබෙන ලාභ ප්රතිශතය ඉතා අඩු වීමෙන් ඔවුන් දැඩි අසීරුතාවයකට පත්ව ඇති බව වෙළෙඳුන් අවධාරණය කරයි.
