ශ්‍රී ලංකා මුහුදු සීමාවේදී ඉන්දීය ධීවර බෝට්ටුවක් නාවික හමුදා භාරයට

මන්නාරමට උතුරින් පිහිටි දූපත් මුහුදු තීරයේ ධීවර කටයුතුවල නිරත වූ ඉන්දීය ධීවර බෝට්ටුවක් නාවික හමුදාව විසින් අත්අඩංගුවට ගෙන ඇත.අද අලුයම සිදු කරන ලද විශේෂ සෝදිසි මෙහෙයුමකදී මෙම කණ්ඩායම ශ්‍රී ලංකා නාවික හමුදාව විසින් මන්නාරමට උතුරින් පිහිටි ශ්‍රී ලංකා මුහුදු තීරයේ ධීවර කටයුතුවල නිරතව සිටියදී අත්අඩංගුවට ගෙන ඇත.එලෙස අත්අඩංගුවට ගත් පිරිස් අතර ඉන්දීය ධීවරයින් 08 දෙනෙකු සිට ඇති බව සදහන් වේ.දේශීය ධීවරයින්ගේ ජීවනෝපායට එල්ලවන බලපෑම සැලකිල්ලට ගනිමින්, විදේශීය ධීවර බෝට්ටු නීති විරෝධී ලෙස දිවයිනට ඇතුළු වීම වැළැක්වීම සඳහා නාවික හමුදාව ශ්‍රී ලංකා මුහුදු තීරයේ නිතිපතා මුර සංචාර සහ මෙහෙයුම් දිගටම සිදු කරයි.මෙම මෙහෙයුම්වල දිගුවක් ලෙස, අද අලුයම උතුරු මැද නාවික විධානය විසින් නීති විරෝධී ලෙස ධීවර කටයුතුවල නිරත වන ඉන්දීය ධීවර බෝට්ටු පිරිසක් ශ්‍රී ලංකා මුහුදු සීමාවට අනවසරයෙන් ඇතුළු වන අයුරු නිරීක්ෂණය කරන ලදී. ඊට ප්‍රතිචාර වශයෙන්, උතුරු මැද නාවික විධානය සිය වෙරළ මුර යාත්‍රා යොදවා මන්නාරමට උතුරින් පිහිටි දූපත් මුහුදු තීරයෙන් එම ඉන්දීය ධීවර බෝට්ටු පලවා හැරීමට කටයුතු කළේය. නාවික නිලධාරීන් විසින් සිදු කරන ලද අනුකූලතා ගොඩබෑමේ ප්‍රතිඵලයක් ලෙස ඉන්දියානු බෝට්ටුවක් 01 ක් අත්අඩංගුවට ගැනීමටත්, ශ්‍රී ලංකා මුහුදු සීමාවේ නීති විරෝධී ලෙස මසුන් ඇල්ලීමේ නිරත වූ ඉන්දියානු ධීවරයින් 08 දෙනෙකු අත්අඩංගුවට ගෙන ඇත.අත්අඩංගුවට ගත් බෝට්ටුව සහ ඉන්දියානු ධීවරයින් අටදෙනා මන්නාරමේ තල්පාඩු ජැටිය වෙත ගෙන එන ලද අතර ඉදිරි නීතිමය කටයුතු සඳහා ඔවුන් මන්නාරම ධීවර පරීක්ෂක වෙත භාර දී ඇත.