හිටපු ජනාධිපති රනිල් වික්‍රමසිංහගේ පුද්ගලික විදේශ සංචාර සම්බන්ධයෙන් අපරාධ පරීක්ෂණ දෙපාර්තමේන්තුව (CID) විමර්ශන ආරම්භ කර ඇති බව කොටුව මහේස්ත්‍රාත් අධිකරණයට දැනුම් දී තිබේ.
ඒ අනුව, ඒ සම්බන්ධයෙන් වන වාර්තාවක් ගොනු කරමින් අපරාධ පරීක්ෂණ දෙපාර්තමේන්තුව විසින් කොටුව මහේස්ත්‍රාත් නිලුපුලී ලංකාපුර මහත්මියට මෙම කරුණ දැනුම් දී ඇත.
හිටපු ජනාධිපතිවරයාට එරෙහිව සිදු කරනු ලබන මෙම විමර්ශන පොදු දේපළ පනත ප්‍රකාරව සිදු කරනු ලබන බවට වැඩිදුරටත් සඳහන් වේ.
