දේශබන්දු තෙන්නකෝන් මහතා සිය ධුරයේ බලතල අනිසි ලෙස යොදා ගැනීම සම්බන්ධයෙන් විමර්ශනය කරන පාර්ලිමේන්තු කමිටුව අද (16) සිට දිනපතා රැස්වීමට නියමිත බව පාර්ලිමේන්තු සන්නිවේදන දෙපාර්තමේන්තුව නිවේදනය කරයි. විමර්ශන අවසන් වන තෙක් මෙම පරීක්ෂණ කමිටුව දිනපතා රැස්වනු ඇත.
ඒ අනුව, දේශබන්දු තෙන්නකෝන් මහතා අද පෙරවරු 9.30ට කමිටුව හමුවේ පෙනී සිටීමට නියමිතය.
ශ්රේෂ්ඨාධිකරණ විනිසුරු පී.පී. සූරසේන මහතාගේ සභාපතිත්වයෙන් යුත් මෙම කමිටුව මීට පෙර අවස්ථා කිහිපයකදී රැස්වූ අතර, එහිදී දේශබන්දු තෙන්නකෝන් මහතා ඇතුළු කිහිප දෙනෙකුගෙන්ම සාක්ෂි සටහන් කරගෙන තිබේ.
