2025 වසරේ මුල් මාස හතර තුළ ශ්රී ලංකාවේ රාජ්ය ආදායමේ කැපී පෙනෙන වර්ධනයක් වාර්තා වී තිබේ.
මුදල් අමාත්යාංශය නිකුත් කළ දත්තවලට අනුව, 2024 වසරේ මුල් මාස හතර තුළ රජයේ ආදායම් හා ප්රදානවල වටිනාකම රුපියල් බිලියන 1,218.07ක් ලෙස සටහන් වී තිබුණි. නමුත්, 2025 වසරේ පළමු මාස හතර තුළ මෙම අගය රුපියල් බිලියන 1,454.67ක් දක්වා ඉහළ ගොස් ඇති අතර, එය රුපියල් බිලියන 236.60ක (19.42%) වර්ධනයක්.
විශේෂයෙන්ම, 2025 අප්රේල් මාසය තුළ දී පමණක් රුපියල් බිලියන 463.19ක දැවැන්ත බදු ආදායමක් වාර්තා වීම කැපී පෙනෙන අතර වාහන ආනයනය නැවත විවෘත කිරීම මෙම ආදායම් වර්ධනයට ප්රධාන හේතුවක් වී ඇති බව ආර්ථික විශ්ලේෂකයෝ පෙන්වා දෙයි.
මෙම වර්ධනයන්හි ප්රතිඵලයක් ලෙස, 2025 වසරේ පළමු මාස හතර අවසානයේ දී රටේ ප්රාථමික ගිණුමේ ශේෂය රුපියල් බිලියන 532.73ක ධන අගයයක් වාර්තා කර තිබේ. සමස්ත අයවැය හිඟය ද රුපියල් බිලියන 261.61ක් ලෙස සටහන් වීම, ආර්ථික කළමනාකරණයේ සාර්ථකත්වය විදහා දක්වන බව මුදල් අමාත්යාංශය පවසයි.
