රජය විසින් ඉන්දියාවෙන් ආනයනය කරන ලද ලුණු තොග රැගත් නෞකාව මේ වන විට ශ‍්‍රී ලංකාවට ආසන්නට පැමිණ ඇති අතර අද පස්වරුව වන විට එම ලුණු තොග මෙරටට ලැබෙනු ඇති බව වෙළඳ වාණිජ හා ආහාර සුරක්ෂිතතා අමාත්‍යංශය සඳහන් කරයි.
කෙසේවෙතත් නියෝජ්‍ය අමාත්‍ය ආර්.එම්. ජයවර්ධන මහතා පැවසුවේ, පෞද්ගලික අංශය විසින් ආනයනය කරන ලද ලුණු තොග ඊයේ දිනයේ මෙරටට ලැබී ඇති බව‍ත් මෙම ලුණු තොග ලැබීමත් සමග රට තුළ ලුණු හිඟයකින් තොරව පාරිභෝගිකයන්ට ලුණු මිලද ගැනීමේ හැකියාව ලැබෙන බවයි.
