කොළඹ සහ තදාසන්න ප්‍රදේශවල රැකියාවල නිරතව සිටින බොහෝ පිරිසක් මෙවර පළාත් පාලන මැතිවරණයට ඡන්දය ප්‍රකාශ කිරීමට සිය ගම්බිම් බලා ගොස් නොමැති බව දිස්ත්‍රික් ලේකම් කාර්යාල ආරංචි මාර්ග පවසයි.
මැතිවරණ නිරීක්ෂකයින්ට අනුව මෙයට හේතු කිහිපයක් බලපා ඇත:
- මෙය ප්‍රධාන ජාතික මැතිවරණයක් නොවීම.
- දේශපාලනය සහ මැතිවරණ ක්‍රමය පිළිබඳ අතෘප්තිය.
- ගම්බිම්වලට යාමට ප්‍රවාහන වියදම් දැරීමට නොහැකි වීම.
- මැතිවරණය සම්බන්ධයෙන් ප්‍රමාණවත් උද්යෝගයක් නොමැති වීම.
- නොකඩවා පැවැත්වෙන මැතිවරණ හේතුවෙන් ඇති වූ විඩාව.
- මැතිවරණ ප්‍රචාරක ද්‍රව්‍ය ප්‍රදර්ශනය නොකිරීමෙන් මැතිවරණ උණුසුමක් ඇති නොවීම.
කොළඹ රැඳී සිටින දකුණු පළාතේ බොහෝ වෙළෙඳුන් ද ඡන්දය ප්‍රකාශ කිරීමට ගම්බිම්වලට ගොස් නොමැති බව තොරතුරු අනාවරණය කරයි.
