2025 පළාත් පාලන ඡන්ද විමසීමේ මේ දක්වා නිකුත් කර ඇති නිල ප්රතිපල අනුව ජාතික ජනබලවේගය ඉදිරියෙන් පසුවේ.
මැතිවරණ කොමිසම විසින් නිකුත් කර ඇති නිල ප්රතිපල අනුව එම පක්ෂය මේ වනවිට ප්රකාශිත ඡන්ද ප්රතිපලවලින් සියයට 43.55% ක ප්රතිශතයක් හිමිකර ගෙන සිටියි.
එම ප්රතිශතය සංඛ්යාත්මක ලෙස ඡන්ද 3,396,087 කි.
එමෙන්ම මේවනවිට ප්රකාශිත ඡන්ද ප්රතිපල අනුව මහ නගර සභා, නගර සභා සහ ප්රාදේශීය සභා සඳහා ජාතික ජනබලවේගයේ සභිකයින් 3,323 දෙනෙකු තේරී පත්ව සිටියි.
මෙවර පළාත් පාලන ඡන්ද විමසීමේ ප්රකාශිත ප්රතිපල අනුව ජාතික ජනබලවේගයට පසුව වැඩිම ඡන්ද ප්රමාණයක් හිමිකර ගෙන සිටින්නේ සමගි ජනබලවේගයයි.
ප්රකාශිත ප්රතිපල අනුව එම පක්ෂය මේවනවිට ඡන්ද 1,645,898 ක් හිමි කර ගෙන ඇති අතර එය ප්රතිශතයක් ලෙස 21.11% කි.
එම පක්ෂය මේ දක්වා හිමිකර ගෙන ඇති පළාත් පාලන ආයතන සභික ධූර ගණන 1,465 කි.
2025 පළාත් පාලන ඡන්ද විමසීමේ මේ දක්වා නිකුත් කර ඇති නිල ප්රතිපල අනුව ශ්රී ලංකා පොදුජන පෙරමුණ ඡන්ද 754,538 ක් හිමිකර ගෙන සිටින අතර එය ප්රතිශතයක් ලෙස 9.59 ක් වේ.
පළාත් පාලන ආයතන සඳහා මේවනවිට එම පක්ෂයෙන් සභිකයින් 645 දෙනෙකු තේරී පත්ව ඇත.
එමෙන්ම මෙවර පළාත් පාලන ඡන්ද විමසීමේ ප්රකාශිත ප්රතිපල අනුව එක්සත් ජාතික පක්ෂයට ඡන්ද 351,250 ක් හිමිව තිබේ.
එහි ප්රතිශත අගය 4.53% ක් ලෙස දැක්වේ. හිමිව ඇති සභික ධූර ගණන 320 කි.
ඊට අමතරව සර්ව ජනබලය පක්ෂයට ප්රකාශිත ප්රතිපල අනුව 210,998 ක ඡන්ද ප්රමාණයක් හිමිව ඇති අතර එහි ප්රතිශත අගය 2.78% ක් ලෙස දැක්වේ.
මේවනවිට එම පක්ෂයට හිමිව ඇති සභික ධූර ගණන 188 කි.
