ආක්රමණශීලී ජලජ ජීවීන් 3,500කට වැඩි ප්රමාණයක් නීතී විරෝධීව තායින්ලන්තයේ සිට මෙරරට රැගෙන ආ සැකකරුවන් 3දෙනෙකු කටුනායක ගුවන් තොටුපොළේදී රේගු භාරයට ගෙන තිබේ. මෙලෙස අත්අඩංගුවට පත්ව ඇත්තේ 26 හා 31 හැවිරිදි සැකකරුවන් දෙදෙනෙක් හා 22 හැවිරිදි සැකකාරියක් ගමන් මලුවල සඟවා ගෙන ජලජ ජීවින් මෙරටට ගෙන ඒමට තැත් කර ඇත.
මෙවැනි ජීවීන් මෙරට ජල පද්ධතිවලට මුද්ර හැරීමෙන් ජෛව විවිධත්වයට හානි වීමේ බරපතල තර්ජනයක් මතුවන බවත් ඒ අනුව සැකකරුවන් හා ආක්රමණශීලී ජලජ ජීවීන් සම්බන්ධයෙන් ඉදිරි ක්රියාමාර්ග සඳහා සත්ත්ව වසංගත නියාමන දෙපාර්තමේන්තුව වෙත භාරදුන් බවත් රේගුව පෙන්වා දෙන්නේය.
මෙම ආක්රමණශීලී ජීවින් මෙරටට ගෙන්වීමේ උත්සාහය පිටුපස ඇති ජාලය හා අරමුණු අනාවරණය කරගැනීම සඳහා විමර්ශනයක් ආරම්භ කර ඇති බව ද රේගුව සඳහන් කළේ ය.
