ජනාධිපති අපේක්ෂකයන්ට ප්‍රභූ ආරක්ෂාව

ජීවිත තර්ජන පවතින ජනාධිපති අපේක්ෂකයන්ට විශේෂ ප්‍රභූ ආරක්ෂාව ලබාදීමට රජය තීරණය කර ඇත.ජනාධිපති අපේක්ෂකයන්ට ඇති තර්ජන සම්බන්ධයෙන් මේ දිනවල තක්සේරුවක් කරගෙන යන අතර එම තක්සේරුවෙන් අනතුරුව ලැබෙන වාර්තාව පදනම් කරගෙන ජීවිත තර්ජන ඇති අපේක්ෂකයන්ට මෙසේ විශේෂ ආරක්ෂාව ලබාදෙන බව මහජන ආරක්ෂක අමාත්‍යාංශය ප්‍රකාශකයෙක් පැවසා ඇත. ජනාධිපතිවරණ කාලසීමාවේදී අපේක්ෂකයන්ගේ ආරක්‍ෂාව සහ හිටපු ජනාධිපතිවරුන්ගේ ආරක්ෂාව සම්බන්ධයෙන් අධීක්ෂණය කිරීම සඳහා අමාත්‍ය මණ්ඩලයේ අනුමැතිය මත විශේෂ කමිටුවක් පසුගියදා පත් කරනු ලැබීය.එම කමිටුවේ සභාපති ධුරය දරන්නේ මහජන ආරක්ෂක අමාත්‍යංශයේ ලේකම්වරයාය.කමිටුව ගන්නා තීරණ අනුව අපේක්ෂකයන්ගේ ආරක්ෂාව වැඩි කිරීම සඳහා අමාත්‍ය මණ්ඩලයේ අනුමැතිය මත විශේෂ කමිටුවක් පසුගියදා පත් කරනු ලැබීය.එහෙම කමිටුවේ සභාපති ධූරය දරන්නේ මහජන ආරක්ෂක අමාත්‍යයංශයේ ලේකම්වරයාය.කමිටුව ගන්නා තීරණ අනුව අපේක්ෂකයන්ගේ ආරක්ෂාව වැඩි කිරීමට පියවර ගන්නා බවද තර්ජන පවතින අපේක්ෂකයන්ගේ නිවාසවලට මෙන්ම ඔවුන් ගමන් කරන අවස්ථාවලදී ද ඔවුන්ට විශේෂ ආරක්‍ෂාව සැපයීම මේ අනුව සිදුකෙරෙනු ඇත.එසේම ජනාධිපති අපේක්ෂකයන් සහභාගි වන සියලුම රැස්වීම් සඳහා විශේෂ විශේෂ ආරක්ෂාව සැපයීමට ද රජය තීරණය කර ඇත.මේ සම්බන්ධයෙන් දිවයින පුරා සියලුම පොලිස් ස්ථානාධිපතිවරුන් දැනුවත් කර ඇතැයි පොලිස් මූලස්ථාන පවසයි.