කිරම රෝහලේ සිටි මිතුරෙකු බැලිමට ගිය මිතුරන් 4 දෙනෙකු විසින් රෝගියාට සවි කර තිබූ ලක්ෂ තුනකට වැඩි වටිනාකමකින් යුත් මල්ටි පැරා මොනිටර් යන්ත්‍රයකට දැඩි හානි සිදු කිරීම සම්බන්ධයෙන් කටුවන පොලීසිය විසින් ඔවුන්ව අත්අඩංගුවට ගෙන තිබේ.
වලස්මුල්ල, කිරම, වල්ගම්මුල්ල ප්‍රදේශයේ පුද්ගලයෙකුට ඇති වූ හදිසි රෝගී තත්ත්වයක් හේතුවෙන් රෝහල් ගත වී ඇති අතර ඔහුගේ සුව දුක් බැලීමට පැමිණී මිතුරන් රෝගියාගේ ටිකට් කපා රැගෙන යාමට උත්සාහ දරා ඇති අතරම රෝහල් කාර්‍යමණ්ඩලය එයට ඉඩ නොදී තිබූ අතරම එවිට බලෙන් රෝගියාව රැගෙන යාමට ඔවුන් තැත් කළ මොහොතේ රෝගියාගේ සිරුරට සවි කර තිබූ මල්ටි පැරා මොනිටර් යන්ත්‍රය බිම වැටී කැඩී ගොස් ඇත. එසේම මෙම යන්ත්‍රය ලක්ෂ තුනකට වැඩි වේ. කෙසේ වෙතත් මේ සම්බධයෙන් අදාළ වාට්ටුවේ හෙදියන් කටුවන පොලීසියට කළ පැමිණිල්ලකට අනුව පොලීසිය විසින් ඔවුන්ව අත්අඩංගුවට ගෙන තිබේ.
මොවුන්ව වලස්මුල්ල මහේස්ත්‍රාත් අධිකරණයට ඉදිරිපත් කිරීමට නියමිත්ව ඇත.
