එක්සත් ජාතික පක්ෂයේ අපේක්ෂකයන් ගණනාවකට චිකුන්ගුන්යා රෝගය වැළදීම හේතුවෙන් මැතිවරණ ව්යාපාරය ඇණහිට තිබෙන බව එම පක්ෂයේ ජාතික සංවිධායක සාගල රත්නායක පවසයි.
ඔහු මේ බව පැවසුවේ, පිටකෝට්ටේ සිරිකොත මූලස්ථානයේදී අද (අප්රේල් 21) පැවැත්වූ එක්සත් ජාතික පක්ෂයේ පළාත් පාලන අපේක්ෂක හමුවේදී ය.
ඇතැම් අපේක්ෂකයන් සති තුනකට වැඩි කාලයක් තිස්සේ මැතිවරණ ව්යාපාරයට සම්බන්ධවීමට නොහැකිව සිටින බව ජාතික සංවිධායකවරයා සදහන් කළේ ය.
එජාප පළාත් පාලන අපේක්ෂක හමුවකදී සාගල රත්නායක මෙසේ ද කීවේය.
“චිකුන්ගුන්යා හා ඩෙංගු වසංගතය රටපුරා තිබෙනවා. ආණ්ඩුව මේ ගැන හොයලා බලලා පිළියම් යෙදිය යුතු යි. අපේ අපේක්ෂකයින් ගණනාවකට චිකුන්ගුන්යා හැදිලා මැතිවරණ ව්යාපාරය ඇණහිට තිබෙනවා. උතුරු කොළඹ ආසනයේ සදමාලි මන්ත්රීවරිය ඡන්ද ව්යාපාරයේ ඉදිරියෙන් ම සිටි කෙනෙක්. දැනට සති තුනක් තිස්සේ මැතිවරණ ව්යාපාරයේ වැඩසටහන්වලට සහභාගී වෙන්න බැරිවෙලා සිටිනවා. ඇයට ඇවිදගන්න බෑ. මේ විදියට කී දෙනෙක්නම් සිටිනවද? රටපුරා පුංචි දරුවො,වැඩිහිටියෝ දුක්විදිනවා”
