ඉදිරියේදී පැවැත්වීමට නියමිත ජනාධිපතිවරණයෙන් නියත ලෙසම ජනතාව පරාජයට පත්වන බව ළහිරු වීරසේකර පවසනවා.ඔහු මේ බව ප්‍රකාශ කර සිටියේ ජන අරගල සන්ධානයේ අනුරාධපුර දිස්ත්‍රික් සභාව පිහිටුවීමේ හමුවක් අමතමින්.එහිදී වැඩිදුරටත් අදහස් දක්වමින් ඔහු සඳහන් කර සිටියේ, ජන අරගල සන්ධානය ජයග්‍රහණය කිරීම යනු අරගලයේ අභිලාෂයන් ජයගැනීම වන බවයි.එමෙන්ම ජන අරගල සන්ධානය ජයග්‍රහණය කරන්නේ, ජාත්‍යන්තර මූල්‍ය අරමුදලට එරෙහි වැඩපිළිවෙළ බවත් ඔහු එහිදී අවධාරණය කර සිටියා.
”රනිල් වික්‍රමසිංහ කියන එක ජනතාවගෙ ප්‍රතිපත්තිය වෙනවද ජාත්‍යන්තර මූල්‍ය අරමුදල නම් එයාගෙ ප්‍රතිපත්තිය හදන්නෙ.සජිත් ප්‍රේමදාස කියන එක ජනතාවගෙ ප්‍රතිපත්තිය වෙනවද ජාත්‍යන්තර මූල්‍ය අරමුදල නම් එයාගෙ ප්‍රතිපත්තිය හදන්නෙ.අනුර කුමාර දිසානායකලා කියන එක ජනතාවගෙ ප්‍රතිපත්තිය වෙනවද IMF එකෙන් ඉවත් වෙන්නෙ නෑ කියලා ඒගොල්ලන්ගෙ ප්‍රතිපත්තිය හදද්දි.අනිත් ඉන්න අය ගැනත් ඊට වඩා කියන්න දෙයක් නෑ. ඒ ඔක්කොම එක වල්ලෙ පොල්. ඒ ගොල්ලො ඔක්කොම නියෝජනය කරේ ඒක.රනිල්ගෙ අතේ තියෙන මුට්ටියත්, සජිත්ගෙ අතේ තියෙන මුට්ටියත්, අනුරගෙ අතේ තියන මුට්ටියත් ඔක්කොටම පිටිපස්සෙ ලොකු මුට්ටිය තියාගෙන බෙදන්නෙ ජාත්‍යන්තර මූල්‍ය අරමුදල.ගොඩක් අය අපෙන් අහනවා ජන අරගල සන්ධානයට දිනන්න පුළුවන්ද. අපි කියනවා ඔව් අපි දිනනවා.අපි දිනන්නේ අරගලයේ අභිලාෂයන්ට පක්ෂපාතීත්වය. අපි දිනන්නේ ලෝකෙ පුරා ප්‍රතික්ෂේප වන ලෝකෙ පුරා තවදුරටත් ණය දීලා රටවල්වලට, රටවල් ණය අර්බුදයට යවන ජාත්‍යන්තර මූල්‍ය අරමුදලට එරෙහි වැඩපිළිවෙළ තමයි අපි ජයග්‍රණය කරන්නෙ.අපි රැළිවලට අහුවෙන්න කැමති නෑ. රැල්ල තියෙන්නෙ IMF එකට විරුද්ධව නම් අපි අත් දෙකම උස්සනවා.රැල්ල තියෙන්නෙ ජනතාව දිනවන වමේ වැඩපිළිවෙළට නම් අපි අත් දෙකම උස්සනවා.ජනතාව පරදින එක නියතයි.මොනව හරි ජයග්‍රහණයක් ගන්න නම් මේ මැතිවරණ වේදිකාවෙන් පස්සෙ ,මැතිවරණ සංදර්ශනවලින් පස්සෙත් අපිට ඉතුරු වෙන්නෙ මෙන්න මේ ජනතාවගෙ ප්‍රතිපත්තිය.ජනතාවගෙ ප්‍රතිපත්තිය අරගෙන තමයි ජනතාවගෙ බෝපගේ ජනතාවගෙ අපේක්ෂකයා ජන අරගල සන්ධානයෙන් කුඩේ ලකුණෙන් ඇවිල්ලා ඉන්නෙ…”
