මෙරට ඓතිහාසික උරුමයක් වන අනුරාධපුර පූජා නගරය ආරක්ෂා කිරීමට UNESCO හි මැදිහත්වීම අගය කළ යුතු බව අග්රාමාත්ය ආචාර්ය හරිනි අමරසූරිය පවසනවා.
ඒ අනුව අනුරාධපුරය ශ්රී ලංකාවේ පමණක් නොව විශ්වීය උරුමයක් බවයි ‘ශ්රී ලංකාවේ ලෝක උරුමයක් වූ අනුරාධපුර පූජා නගරය සුරක්ෂිත කිරීම සඳහා ඒකාබද්ධ සහ තිරසාර ප්රවේශයක්’ මැයෙන් ප්රංශයේ පැවති ජාත්යන්තර විශේෂඥ සමුළුව අමතමින් අග්රාමාත්යවරිය සඳහන් කළේ.
යුනෙස්කෝව ශ්රී ලංකාව සමඟ හවුල්කාරිත්වයෙන් සංවිධාන කළ මෙම සමුළුව, සංස්කෘතික හා ඓතිහාසික වැදගත්කමක් ඇති UNESCO ලෝක උරුම අඩවියක් වන අනුරාධපුරය සංරක්ෂණය කිරීමට තිරසර උපාය මාර්ග සාකච්ඡා කිරීම වෙනුවෙන් ජාත්යන්තර විශේෂඥයන්ගේ සහභාගීත්වයෙන් පැවැත්වුණා.
ඉදිරියේදී අනුරාධපුරය, යාපනය සහ මහනුවර නගර තුන ජාතික උරුම නගර ලෙස සංවර්ධනය කිරීමට තම රජය සැලසුම් කර ඇති බවයි අග්රාමාත්යවරිය වැඩිදුරටත් ප්රකාශ කර සිටියේ.
