හොරණ-රත්නපුර මාර්ගයේ ඉංගිරිය දිස්ත්‍රික් රෝහලට ආසන්නව පෞද්ගලික බස් රථයක් සහ කුඩා ලොරි රථයක් ගැටීමෙන් සිදුවූ අනතුරකින් පාසල් සිසුවෙකු සහ තවත් 15 දෙනෙකු පමණ තුවාල ලබා රෝහල් ගත කර තිබේ. ඉංගිරිය පොලිසිය ප්‍රකාශ කළේය.
ලොරි රථයේ රියදුරු සහ ඔහුගේ සහායකයා ද තුවාල ලැබූවන් අතර සිටින බව පොලිසිය පැවසීය.
තුවාලකරුවන් ඉංගිරිය දිස්ත්‍රික් රෝහලට ඇතුළත් කිරීමෙන් පසු, බරපතල තත්ත්වයේ පසුවූ පාසලේ සිසුන් කිහිප දෙනෙකු, ලොරි රථයේ රියදුරුගේ සහායකයා වැඩිදුර ප්‍රතිකාර සඳහා හොරණ මූලික රෝහලට ඇතුළත් කර ඇත.
පෞද්ගලික බස් රථය හොරණ දෙසට සහ කුඩා ලොරිය ඉංගිරිය දෙසට ගමන් කරමින් සිටියදී අනතුර සිදුවී ඇත.
ඉංගිරිය පොලිසිය වැඩිදුර පරීක්ෂණ පවත්වයි.
