මෙම වසරේ අක්කර 36,000ක් අලුතින් පොල් වගා කිරීමට සැලසුම් කර ඇති බව වැවිලි සහ ප්රජා යටිතල පහසුකම් ගරු අමාත්ය සමන්ත විද්යාරත්න පවසයි.අමාත්යවරයා මේ බව පවසා සිටියේ, වැවිලි සහ ප්රජා යටිතල පහසුකම් අමාත්යාංශයීය උපදේශක කාරක සභාව රැස්වූ අවස්ථාවේදී ය.
ඒ අනුව, අක්කර 16,000ක් උතුරු පොල් ත්රිකෝණයෙත් ඉතිරි අක්කර 20,000 අනෙකුත් ප්රදේශවල පොල් වගා කිරීමට කටයුතු කරන බව ඔහු ප්රකාශ කළේ ය.
පොල් වගාව වැඩිදියුණු කිරීමේ අරමුණින් බීජ පොල් මිලියන 2.5 ක් මෙම වර්ෂය සඳහා නිෂ්පාදනය කරන බව අමාත්යවරයා මෙහිදී සඳහන් කළේ ය.
තව ද, දැනට රුසියාවෙන් නොමිලේ ලැබුණු එම්.ඕ.පී පොහොර මෙට්රික් ටොන් 55,000න් මෙට්රික් ටොන් 27,500ක් යොදා ගනිමින් පොල් වගාව සඳහා මිශ්රිත පොහොර මෙට්රික් ටොන් 56,000ක් සකස් කිරීම සිදුකරමින් පවතින බව ත් එමගින් අක්කර පහට අඩු පොල්වතු හිමියන්ට පොහොර සහනාධාරයක් ලබා දෙන බව ත් ඔහු පැවසීය.
ඒ අනුව, එම මිශ්රිත පොහොර, වෙළඳපොළ මිල ආසන්න වශයෙන් රුපියල් 9,500ක් වන කිලෝග්රෑම් 50 ක පොහොර මිටිය රුපියල් 4,000ක සහන මිලකට මේ මාසය අග වන විට රටපුරා සිටින පොල් වගාකරුවන්ට ලබා දීමට කටයුතු කරන බව ද අමාත්යවරයා සඳහන් කළේ ය.
