මිනිස් පරිභෝජනයට නුසුදුසු සහ වෙළඳපොළට නිකුත් කිරීමට නියමිතව තිබූ තිරිඟු පිටි තොගයක් වත්තල උස්වැටකෙයියාව ප්‍රදේශයේ ගබඩාවක තිබී සොයාගෙන ඇත.
පිටකොටුව ප්‍රදේශයේ සිදු කරන ලද වැටලීමකදී අනාවරණය වූ තොරතුරු මත පදනම්ව ඉහත සඳහන් තිරිඟු පිටි තොගය සොයා ගත් බව පාරිභෝගික කටයුතු අධිකාරිය පැවසීය.
වෙළඳපොළට සැපයීමට සූදානම්ව තිබූ මිනිස් පරිභෝජනයට නුසුදුසු තිරිඟු පිටි ටොන් 750 ක් ගබඩාවේ තිබී සොයා ගන්නා ලදී.
ඉහත පිටි වල නිෂ්පාදන දිනය පසුගිය වසරේ මාර්තු සහ මැයි ලෙසත් කල් ඉකුත් වීමේ දිනය මෙම වසරේ මාර්තු සහ මැයි ලෙසත් සලකුණු කර ඇති අතර එය කෘමීන්ගෙන් දැඩි ලෙස ආසාදනය වී ඇති බවට වාර්තා වේ.
ඒ අනුව, සැක සහිත භාණ්ඩ තොගය පාරිභෝගික කටයුතු අධිකාරියේ නිලධාරීන් භාරයට ගෙන ඇති අතර පරීක්ෂණ දිගටම සිදුවෙමින් පවතී.
