රුපියල් මිලියන 12ක පමණ වටිනාකමකින් යුත් කුෂ් මත්ද්‍රව්‍ය කිලෝ 1යි ග්‍රෑම් 200ක් සමග 38 හැවිරිදි ඉන්දීය ජාතික කාන්තාවක් අත්අඩංගුවට ගෙන තිබේ.
කටුනායක ජාත්‍යන්තර ගුවන්තොටුපොළේ රේගුවේ මත්ද්‍රව්‍ය පාලන ඒකකයේ නිලධාරීන් විසින් එම සැකකාරිය අද (26) අලුයම අත්අඩංගුවට ගෙන අතර ඇය තායිලන්තයේ බැංකොක් සිට හොංකොං හරහා ශ්‍රී ලංකාවට පැමිණ තිබුණි.
මෙම කුෂ් මත්ද්‍රව්‍ය තොගය සැකකාරිය විසින් ගමන් මලුවල ආහාර පැකට් තුළ සඟවා රැගෙනවිත් තිබුණි.
සැකකාර කාන්තාව සහ සොයාගත් මත්ද්‍රව්‍ය වැඩිදුර පරීක්ෂණ සඳහා පොලිස් මත්ද්‍රව්‍ය කාර්යාංශයට භාර දී තිබේ.
