යාලේ ‘සැන්ඩෝ’ මැරිලාද ?

යාල ජාතික වනෝද්‍යානයේ ‘සැන්ඩෝ’ නමැති ප්‍රසිද්ධියට පත්ව සිටින දළ ඇතා මියගියේද නැද්ද යන්න සොයාබැලීම සඳහා වනජීවී සංරක්ෂණ දෙපාර්තමේන්තුව පරීක්ෂණයක් ආරම්භ කර තිබේ.

ඒ, එම ඇතා දින ගණනකින් දක්නට නොලැබුණු බවට වාර්තා වීමත් සමඟය.

දළ ඇතෙකුගේ මළසිරුරක් හමුවීමෙන් පසු පරිසර සංරක්ෂණවේදීන් ඒ සම්බන්ධයෙන් දැඩි වික්ෂිප්තභාවයකට පත්ව ඇති අතර, ‘සැන්ඩෝ’ නමැති දළ ඇතා නොමැති බවට අනුමාන කරයි.

කෙසේවෙතත් Daily Mirror පුවත්පත වනජීවී සංරක්ෂණ දෙපාර්තමේන්තුවේ උසස් නිලධාරියෙකුගෙන් සිදු කළ විමසීමකදී ඔහු පවසා ඇත්තේ, සාමාන්‍යයෙන් සැන්ඩෝ යනුවෙන් හඳුන්වනු ලබන දළ ඇතා විදේශීය සහ දේශීය සංචාරකයන් වැඩි වශයෙන් ගැවසෙන යාල ජාතික වනෝද්‍යානයේ 1 වැනි කොටසේ සෑම විටම දක්නට නොලැබෙන බවයි.

එමෙන්ම පසුගියදා සොයාගත් දළ ඇතෙකුගේ මළ සිරුර සම්බන්ධයෙන් කළ විමසීමකදී ඔහු පවසා ඇත්තේ, ඒ සම්බන්ධයෙන් පරීක්ෂණ පවත්වන පශු වෛද්‍යවරයා එය සැන්ඩෝගේ බව මෙතෙක් තහවුරු කර නොමැති බවයි.

“එය පැවැත්විය යුත්තේ සැන්ඩෝගේ භෞතික තොරතුරු මළකඳ සමඟ සංසන්දනය කිරීමෙන් පසුවය. එය වෙහෙසකර ක්‍රියාවලියකි. අපි සැන්ඩෝගේ ඡායාරූපය සොයාගත් මළකඳ සමඟ සංසන්දනය කළ යුතුයි, ”ඔහු පවසා ඇත.

සැන්ඩෝ යාල ජාතික වනෝද්‍යානයේ සංකේතයක් ලෙස සැලකුණු අතර, සෆාරි ජීප් රථ පසුපස හඹා යන දළ ඇතා සංචාරකයන්ගේ උද්යෝගය ඇතිකරවන අයුරු දැක්වෙන වීඩියෝ දර්ශන බොහෝවිට ප්‍රසිද්ධියට පත්වේ