අපවත් වී වදාළ කොළඹනව කෝරලයේ ප්රධාන සංඝනායක හුණුපිටිය ගංගාරාමාධිපති ගල්බොඩ ඥානිස්සර නාහිමිපාණන්ගේ ශ්රී දේහය පිළිබඳ ආදාහන පූජෝත්සවය අද (05) සවස 4.30ට පූර්ණ රාජ්ය අනුග්රහය සහිතව එම විහාරස්ථානය ඉදිරිපිට භූමියේදී සිදු කිරීමට නියමිතයි.
ආදාහන පූජෝත්සවයට සමගාමීව අද පස්වරු 2.00 සිට රාත්රී 8.00 දක්වා හුණුපිටිය ගංගාරාමය අවට විශේෂ රථ වාහන සැලැස්මක් ක්රියාත්මකයි.
අද (03) සිට ගංගාරාම විහාරස්ථානය වෙත ඇතුළුවන සිය ලුම වාහන ජේම්ස් පීරිස් මාවත, ජිනරතන මාවත හන්දියෙන් ඇතුළුවිය යුතු බව පොලිසිය පවසනවා.
ඩෝසන් වීදියෙන් ජිනරතන මාවතට ඇතුළු වන මාර්ගය වසා තබන අතර ජිනරතන මාවතේ වාහන ගමනාගමනය එක් දිශාවකට පමණක් සීමා කර තිබෙනවා.
පූජෝත්සවය සඳහා පැමිණෙන මහජනතාවගේ වාහන නැවැත්වීම සඳහා ඇල්ටෙයාර් ගොඩනැඟිල්ල පිටුපස භූමියේ පහසුකම් සලසා ඇති බව පොලිසිය සඳහන් කරයි.
