ඉතිහාසයේ දෙවන වරටත් මාසයක් තුළ මෙරටට පැමිණි වැඩිම සංචාරකයින් සංඛ්යාව 2025 ජනවාරි මාසයේදී වාර්තා වී තිබේ.
මේ අනුව, 2025 ජනවාරි මාසයේ පැමිණි සංචාරකයින් සංඛ්යාව 252,761 ක් වේ.
සංචාරක සංවර්ධන අධිකාරියේ සභාපති බුද්ධික හේවාවසම් මහතා පැවසුවේ 2018 ජනවාරි මාසයෙන් පසු මෙරටට පැමිණි වැඩිම සංචාරකයින් සංඛ්යාව පසුගිය ජනවාරි මාසයේදී බවයි.
2018 දෙසැම්බර් මාසයේ මෙරටට පැමිණි සංචාරකයින් සංඛ්යාව 253,169 කි.
කෙසේ වෙතත්, පෙර වසරවල ජනවාරි මාසය සලකා බලන විට, මෙම වසරේ ජනවාරි මාසයේ පැමිණි සංචාරකයින් සංඛ්යාව වාර්තාගත ඉහළ අගයක් දක්වා ඉහළ ගොස් තිබේ.
2018 ජනවාරි මාසයේදී සංචාරකයින් 238,924 ක් පැමිණියහ. 2024 ජනවාරි මාසයේ පැමිණි සංචාරකයින් සංඛ්යාව 208,253 කි.
මෙම ජනවාරි මාසයේදී මෙරටට පැමිණි වැඩිම සංචාරකයින් සංඛ්යාව ඉන්දියාවෙන්.
එම සංඛ්යාව 43,375 කි.
රුසියාව, එංගලන්තය, චීනය, ජර්මනිය, ප්රංශය සහ ඕස්ට්රේලියාව යන අනුපිළිවෙලින් සංචාරකයින් මෙරටට පැමිණ ඇති බව සභාපතිවරයා පැවසීය.
රට තුළ දිනකට එක් සංචාරකයෙකු රුපියල් 40,000 ක් පමණ වියදම් කර ඇති බව ඔහු පෙන්වා දෙයි.
දැනටමත් පැමිණ ඇති සංචාරකයින්ට නවාතැන් ගැනීමට හෝටල් කාමර ප්රමාණවත් බව ද සභාපතිවරයා පෙන්වා දෙයි.
