රජය බලාපොරොත්තුවන සැඟවුණු වත්කම් සොයාගැනීමේ කාර්යය සඳහා සහයෝගය ලබාදීමට තම ආයතන සූදානම් බව එක්සත් ජාතීන්ගේ සංවිධානය පවසයි.
එහි නේවාසික සම්බන්ධීකාරක මාර්ක් ඇන්ඩෘෘ ෆ්රන්චේ මේ බව පැවසුවේ, විදේශ කටයුතු අමාත්ය විජිත හේරත් සමග පැවති සාකච්ඡාවකදීය.
මාර්ක් ඇන්ඩෘෘ ,නිව්යෝක්හි එක්සත් ජාතීන්ගේ සංවිධානයේ සාමය ගොඩනැගීමේ කොමිසම සමග ශ්රී ලංකාව සමීපව කටයුතු කිරීමේ වැදගත්කම පැහැදිලි කර ඇති අතර, දූෂණ වංචා වැළැක්වීමට රජය ගෙනයන වැඩපිළිවෙළට සම්පූර්ණ සහය දීමට සූදානම් බවත්, ඒ සඳහා මූල්ය ආධාර ලබා දීමටත් එකඟ වී තිබේ.
එහිදී ශ්රී ලංකාව විසින් ශ්රී ලංකා සමුද්ර තීරයේ දී බේරාගත් රෝහින්යා සරණාගතයන්ට මානුෂික අයුරින් සළකන ලද ආකාරය මාර්ක් ඇන්ඩෘෘගේ ප්රශංසාවට ලක් වී තිබේ.
මාර්ක් ඇන්ඩෘෘ වැඩිදුරටත් පවසා ඇත්තේ, එක්සත් ජාතීන්ගේ සංවිධානයේ මහලේකම්වරයා වසර අවසානයේ ශ්රී ලංකාවට පැමිණීමට බලාපොරොත්තුවෙන් සිටින බවයි
පසුගිය මැතිවරණවලදී ශ්රී ලාංකික ජනතාව ජාති භේද හෝ පළාත් භේදවලින් තොරව නව රජය විශාල ආසන සංඛ්යාවකින් බලයට පත්කිරීම ඓතිහාසික සිදුවීමක් බව විජිත හේරත් අමාත්යවරයා එහිදී පවසා ඇති අතර, ඉදිරියේදී උතුරු නැගෙනහිර පළාත්වල පවරාගෙන ඇති ඉඩම් අයිතිකරුවන්ට ආපසු දීම කඩිනම් කරන බව ද සඳහන් කර තිබේ.
ඉදිරි කාලයේ දී එක්සත් ජාතීන්ගේ සාම හමුදා සඳහා ශ්රී ලාංකික ත්රිවිධ හමුදා සාමාජිකයන් බඳවා ගැනීම වැඩිකිරීමට කටයුතු කරන මෙන්ද නේවාසික නියෝජිතවරයාගෙන් අමාත්යවරයා ඉල්ලා ඇත.
