ශ්රී ලංකා ක්රිකට් නිලවරණය ඒක පාර්ශ්වීය හා අසාධාරණ ලෙස පැවැත්වීමට කටයුතු කරන බැවින් එය අවලංගු කරන මෙන් ප්රකාශ කරන විරෝධතාවක් කළුතර පීසීසී ක්රීඩා සමාජය මගින් ක්රිකට් නිලවරණ කමිටුව වෙත ඉදිරිපත් කොට ඇත.
තමන්ට භාණ්ඩාගාරික හා උප භාණ්ඩාගාරික ලෙස නාම යෝජනා ලබා දීමට තිබුණු අවස්ථාවක් මින් ගිළිහී ගිය බව දක්වමින් කළුතර පීසීසී ක්රීඩා සමාජයේ අනුර වීරසිංහ විසින් මෙම විරෝධතාව ඉදිරිපත් කර තිබේ.
නිලවරණ කමිටුව විසින් නාම යෝජනා කැඳවීම සඳහා ඕනෑ තරම් කල් තිබුණද ඒ සඳහා ලබා දී තිබුණේ සතියේ වැඩ කරන දින තුනක් පමණක් බවත් තම ක්රීඩා සමාජයද ක්රිකට් ආයතනයේ සාමාජිකයකු වුවත් නිලවරණය සම්බන්ධව ඔවුන් කිසිවක් දන්වා නොමැති බවත් ඔහු තම විරෝධතා පැමිණිල්ලේ දන්වා සිටී.
මේ අතර එළඹෙන නිලවරණයේදී ඡන්ද හිමි සාමාජික සංඛ්යාව 147 සිට 60 දක්වා අඩු කළ ආකාරය පිළිබඳවද ගැටලු රැසක් තිබෙන බව ලංකාසරට වාර්තා වේ.
මේ පිළිබඳව ක්රීඩා අමාත්යංශය මගින් පරීක්ෂණයක් නොකළහොත් නීති මගින් කටයුතු කිරීමට පාර්ශ්ව කිහිපයක් සූදානමින් සිටින බවටද තොරතුරු ඇත
