අභියාචනාධිකරණ සභාපති නිශ්ශංක බන්දුල කරුණාරත්නට එරෙහිව රජය විසින් ඉදිරිපත් කිරීමට නියමිත දෝෂාභියෝග යෝජනාව සඳහා පාර්ලිමේන්තු මන්ත්රීවරුන් 100 කට අධික පිරිසකගේ අත්සන් ලබාගෙන ඇත.
රාජ්ය පුවත්පතක් වන දිනමිණට අනුව, මහජන ආරක්ෂක නියෝජ්ය අමාත්ය සුනිල් වටගල පවසා ඇත්තේ, මේ වන විට මන්ත්රීවරුන් 118 දෙනෙකුගේ අත්සන් ලබාගෙන ඇති බවයි.
විනිසුරු නිශ්ශංක බන්දුල කරුණාරත්නට එරෙහිව දෝෂාභියෝග යෝජනාවක් ඉදිරිපත් කිරීමට රජය තීරණය කර ඇති බව ඔහු පවසා ඇත.
මේ සඳහා අවශ්ය අත්සන් ලබාගැනීමේ ක්රියාවලිය අවසන් කර ඇති බව නියෝජ්ය අමාත්ය සුනිල් වටගල අනාවරණය කර තිබේ.
විනිසුරු නිශ්ශංක බන්දුල කරුණාරත්න සිය ධුරයෙන් ඉල්ලා අස්වීමට නියමිත බවට වාර්තා පළ වූ බව පවසන නියෝජ්ය අමාත්යවරයා, මේ සම්බන්ධයෙන් විමර්ශන පවත්වන බවත්, ඉන් පසුව රජය එහි ඉදිරි ක්රියාමාර්ග තීරණය කරන බවත් පවසයි.
අභියාචනාධිකරණ සභාපති නිශ්ශංක බන්දුල කරුණාරත්න ඉදිරි දිනවලදී විශ්රාම යෑමට නියමිත බව වාර්තා වේ
