ක්ලීන් ශ්රී ලංකා ව්යාපෘතියට ජපානයෙන් සහාය ලබ දීමේ අරමුණින් ශ්රී ලංකාවට ලබා දෙන මූල්ය සහ තාක්ෂණික සහාය අඛණ්ඩව ලබා දෙන බව ජපන් ජාත්යන්තර සහයෝගිතා ආයතනයේ උප සභාපති හාරා ෂෝහෙයි මහතා පවසයි.
ජනාධිපති කාර්යාලයේ දි ජනාධිපති අනුර කුමාර දිසානායක මහතා සහ ජපන් ජාත්යන්තර සහයෝගිතා ආයතනයේ (JICA) ජ්යෙෂ්ඨ උප සභාපති හාරා ෂෝහෙයි මහතා අතර අද (07) පැවති හමුවේදී මේ බව සඳහන් කෙරිණි.
එසේම මෙහි දි ජපාන ආධාර යටතේ ක්රියාත්මක කටුනායක බණ්ඩාරනායක ජාත්යන්තර ගුවන්තොටුපළ පර්යන්තයේ සංවර්ධන කටයුතු පිළිබඳව ද සාකච්ඡා වූ අතර ජයිකා ආධාර යටතේ මෙරට ක්රියාත්මක සියලු ව්යාපෘති කඩිනමින් අවසන් කිරීමට සැලසුම් කර ඇති බව ද මෙහිදී සඳහන් විය.
හාරා ෂෝහෙයි මහතා වැඩිදුරටත් සඳහන් කළේ ණය ප්රතිව්යුහගතකරණ ක්රියාවලියේදී ජපානය ශ්රී ලංකාවට ලබා දුන් සහාය මෙන්ම ඉදිරියේදී ශ්රී ලංකාවට අවශ්ය මූල්ය ආධාර ලබාදීමට ජයිකා සංවිධානය බලාපොරොත්තු වන බවයි .
ජයිකා සංවිධානය මගින් මෙරට ප්රවාහන පද්ධතිය ප්රතිසංස්කරණය සහ නගර පවිත්රකරණ කටයුතු සඳහා ලබාගත හැකි මූල්ය සහ භෞතික සහාය පිළිබඳව ද මෙම හමුවේ දී සාකච්ඡා කෙරිණි.
