රෝගියකු ලෙස පමණක් යාපනය රෝහලට ඇතුළු වීමට අවසර දෙන බව පාර්ලිමේන්තු මන්ත්රී රාමනාදන් අර්ච්චුනාට යාපනය ශික්ෂණ රෝහලේ අධ්යක්ෂ කාර්යාලය විසින් දන්වා තිබේ.
ඔහුට එරෙහිව පවරා තිබූ නඩුවකදී රුපියල් ලක්ෂයක ශරීර ඇපයක් ලබාදුන් යාපනය මහේස්ත්රාත් අධිකරණය විසින් ඊයේ මෙම තීරණය ලබා දී ඇත.
එම නඩුව 2025 පෙබරවාරි 7 වැනිදාට කල් තැබිණි.
අර්චුනාට යාපනය ශික්ෂණ රෝහලට ඇතුළුවීමට අවශ්ය නම් රෝහල් පරිපාලනයෙන් පූර්ව අවසරයක් ලබාගත යුතු බවට නියෝග කරමින් ඔහුට එම රෝහලට ප්රවේශ වීම තහනම් කිරීමටද අධිකරණය නියෝග කළේය.
මෙම නියෝගයට අනුකූලව රෝහල් පරිපාලනය විසින් මන්ත්රීවරයාට දන්වා ඇත්තේ රෝගියකු ලෙස හැර වෙනත් කිසිදු කටයුත්තක් සඳහා රෝහල් පරිශ්රයට ඇතුළු වීමට ඉඩ නොදෙන බවයි.
තවද, අවශ්ය අවසරයකින් තොරව මන්ත්රීවරයා ඇතුළු වීමට උත්සාහ කළහොත් ඔහු යාපනය පොලිසියට භාර දෙන ලෙස ද රෝහල් පරිපාලනය එහි ආරක්ෂක නිලධාරීන්ට උපදෙස් දී තිබේ.
බලහත්කාරයෙන් හෝ හිරිහැර කිරීම්වලින් තොරව එම කටයුතු සිදු කරන ලෙස ද ආරක්ෂක නිලධාරීන්ට උපදෙස් දී ඇත.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
