ආදායම් බදු ගෙවන්නන්ගේ ආදායම් වාර්තා භාර දීම සඳහා දේශීය ආදායම් දෙපාර්තමේන්තුව ලබා දුන් කාලය දීර්ඝ කර ඇති අතර ඒ අනුව අනිද්දාට (7) පෙර තමන්ගේ ආදායම් වාර්තාව දේශීය ආදායම් දෙපාර්තමේන්තුවට භාර දෙන්නැයි එම දෙපාර්තමේන්තුව බදු ගෙවන්නන් වෙත දන්වා සිටියි.
ලබන 7 වන දාට පෙර එම වාර්තා භාර දෙන්නේ නම් බදු ගෙවන්නන්ගෙන් දඩ හෝ පොලී අය නොකරන බව දේශීය ආදායම් දෙපාර්තමේන්තුව පවසයි.
2023 හා 2024 තක්සේරු වසරවලට අදාළ ආදායම් වාර්තා භාර දීමට වූ අවසන් දිනය පසුගිය නොවැම්බර් 30 වන දිනට යෙදී තිබුණු නමුත් ගංවතුර, නායයෑම් හා දරුණු කාලගුණ හේතු මත මාර්ගගත ක්රමයට ආදායම් වාර්තා ඉදිරිපත් කිරීමේ තාක්ෂණික අවශ්යතා සපුරාලීමට හා ගණකාධිකාරිවරුන්ට, බදු ගෙවන්නන්ට නොහැකි වූ බව එම දෙපාර්තමේන්තුව පැවසීය.
මේ අනුව, පසුගිය 30 වන දා ආදායම් වාර්තාව ඉදිරිපත් කිරීමට නොහැකි වූවාට දේශීය ආදායම් පනත මගින් දණ්ඩන පනවන්නේ නැති බව ත් නඩු කටයුතු ආරම්භ කිරීමක් හෝ පැහැර හරින ලද තක්සේරු නිකුත් කිරීමක් නොකරන බව ත් දේශීය ආදායම් දෙපාර්තමේන්තුව සඳහන් කළේ ය.
මේ නිසා සාධාරණ හේතු මත ආදායම් වාර්තා භාර දීමට ලබා දුන් කාලය දිගු කළ බැවින් එම වාර්තාව දේශීය ආදායම් දෙපාර්තමේන්තුව වෙත අනිද්දාට පෙර භාර දෙන ලෙස බදු ගෙවන්නන් වෙත දන්වා සිටියි.
