යාපනය දිස්ත්රික්කයේ තරුණ විරැකියාව ඉහළ මට්ටමක පවතින හෙයින්, බටහිර රටවලට ආරක්ෂිතව ගෙනයන බවට සහතික වන මිනිස් ජාවාරම්කරුවන් විසින් තරුණයන් රැවටීමේ සිද්ධීන් ඉහළ යමින් පවතී.
එවැනි නවතම වංචාවන් පිළිබඳ පොලිස් පැමිණිලිවලට අනුව, යාපනයේ තරුණයන් තිදෙනකු, රුසියානු-යුක්රේන යුද්ධයේ ඉදිරිපෙළ සඳහා යෙදවීමට රුසියානු හමුදාවට තැරැව්කරුවන් වෙතින් ‘විකිණී’ ඇති බව සොයාගෙන තිබේ.
ඔවුන්ගේ අවසාන ගමනාන්තය බෙල්ජියම බවට අතරමැදියන් විසින් ඔවුන් රවටා ඇත. ඔවුන් ජාවාරම්කරුවන්ට රුපියල් මිලියන ගණනින් මුදල් ගෙවා ඇතැයි පැවැසේ.
යුරෝපයේ දේශසීමා තරණය කිරීම සඳහා හමුදා පුහුණුව සහ රුසියානු හමුදා හැඳුනුම්පත් ලබාගැනීම අත්යවශ්ය බව මිනිස් ජාවාරම්කරුවන් තරුණයන්ට පවසා ඇත.
රුසියාවේදී මුණගැසෙන තුරු එකිනෙකා නොහඳුනන මෙම තරුණයන්ට, තමන් යුද්ධයට සටන් කිරීමට විකිණී ඇති බව අවබෝධ කරගැනීමට කල් ගතවී ඇත.
මෙලෙස රැවටීමට ලක්වූවන්ගෙන් අයගෙන් එක් අයෙක් තම මවට පවසා ඇත්තේ, ඔහු බර අවි පුහුණුව ලබමින් සිටින නිසාත්, යුද පෙරමුණේ ස්ථානගත කිරීමට බලාපොරොත්තු වන නිසාත් තමාට ඇයව නැවත දැකීමට හැකි වේදැයි තමාට විශ්වාස නැති බවයි.
තරුණයන්ගේ පවුල් තුනට, සති දෙකකට වැඩි කාලයක් තම දරුවන් සමඟ සබඳතා බිඳවැටී ඇති අතර, ඔවුන්ගේ ආරක්ෂාව ගැන බියෙන් සිටියි.
එක් මවක් පසුගිය සතියේ ජනමාධ්ය වෙත ප්රකාශ කළේ තම පුතා මිය ගියාද ජීවතුන් අතරද යන්න තමාට විශ්වාස නැති බවයි.
තරුණයන් තිදෙනාගේ පවුල් මේ සතිය මුලදී පොලිසියට පැමිණිලි කර ඇති අතර, අතුරුදහන් වූ තම දරුවන් නැවත ගෙන්වා ගැනීමට උපකාර කරන ලෙස අදාළ බලධාරීන්ගෙන් ඉල්ලා සිටියේය
