මාස හයක් හෝ ඊට අඩු ආයු අපේක්ෂාවක් ඇති මාරාන්තික රෝගවලින් පෙළෙන වැඩිහිටියන්ට ඔවුන්ගේ ජීවිත අවසන් කිරීමට සහාය වන පනතකට පක්ෂව ඡන්දය ප්රකාශ කිරීමෙන් එක්සත් රාජධානියේ මන්ත්රීවරුන් ඓතිහාසික පියවරක් ගෙන තිබේ.
මෙම පනත බලපැවැත්වෙන්නේ එංගලන්තය සහ වේල්සය වෙනුවෙනි.
පැය පහක් පමණ පැවති සංවේදී විවාදයකින් පසුව මාරාන්තික රෝගීන්ගේ ජීවිතය අවසන් කිරීමට සහාය වන පනත් කෙටුම්පත පාර්ලිමේන්තුවේ දී සම්මත වූයේ ඊට පක්ෂව ඡන්ද 330ක් සහ විපක්ෂව ඡන්ද 275ක් ලැබීමෙන් අනතුරුවය.
පනතේ නියමයන් යටතේ, වෛද්යවරුන් දෙදෙනෙකු සහ මහාධිකරණ විනිසුරුවරයකු ඔවුන්ගේ තීරණය අනුමත කරන්නේ නම්, මාස හයක් හෝ ඊට අඩු ආයු අපේක්ෂාවක් ඇති මාරාන්තික රෝගාතුර වැඩිහිටියකුට තම ජීවිතය අවසන් කිරීමට සහාය ලබාගත හැකිය.
පනත් කෙටුම්පත නීතියක් බවට පත්වීමට පෙර යම් මගක් තිබේ.
එම පනත සඳහා සංශෝධන 200කට වඩා දැනටමත් පොදු සහ සාමි මන්ත්රී මණ්ඩලයේ සභාගත කර ඇත.
ඉන් අදහස් වන්නේ එම පනත දැඩි පරීක්ෂාවට ලක් වනු ඇති බවයි.
