මිද්දෙණිය ප්රදේශයෙන් “අයිස්” මත්ද්රව්ය නිෂ්පාදනය සඳහා භාවිත කළ හැකි බවට සැක කෙරෙන විශාල රසායනික ද්රව්ය තොගයක් පොලීසිය සොයා ගෙන ඇත.
පොලීසිය පවසන්නේ, මෙම රසායන සොයාගැනීම කඳාන ප්රදේශයේ දෙමහල් නිවසක් තුළ සිදු වූ බවයි. කළුතර අපරාධ කොට්ඨාසයට ලැබුණු තොරතුරක් අනුව ඊයේ (07) සවස එම නිවස සෝදිසි කරන අතර, නිවසේ ඇතුළත් සහ ඉදිරිපිට භූමියේ තිබූ ද්රව්ය තොගය සොයා ගෙන ඇත.
අදාළ රසායනික ද්රව්යවල ප්රමාණය මෙතෙක් නිශ්චිතව ගණනය කර නොමැති අතර, එම නිවස වසා දමා තිබූ පාලු ගොඩනැගිල්ලක් බවද පොලීසිය සදහන් කළේය. සිද්ධිය සම්බන්ධයෙන් කිසිදු සැකකරුවෙකු මේ දක්වා අත්අඩංගුවට ගෙන නොමැත.
පොලීසියට ලබා දුන් තොරතුරුවලට අනුව, මෙම දෙමහල් නිවස පසුගිය අගෝස්තු මස 11 වැනි දින රුපියල් 150,000 ක කුලියක් මත මාසයකට භාර දී තිබෙන අතර, පසුව සැප්තැම්බර් 05 වැනිදා එම නිවසේ යතුර නිවසේ අයිතිකරු වෙත නැවත ලබා දී තිබේ.
දැනට, පෑලියගොඩ අපරාධ ස්ථාන පරීක්ෂණ නිලධාරීන් විසින් ස්ථාන පරීක්ෂණය සිදු කරමින් ඇති අතර, වැඩිදුර විමර්ශන කටයුතු කළුතර අපරාධ කොට්ඨාසය මගින් ක්රියාත්මක කරනු ලබයි
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
