ජනාධිපති අපේක්ෂක අනුර කුමාර දිසානායක කෘෂිකර්ම ඇමැතිවරයාව සිටියදී ඉදිකරන ලද වැව් දස දහස මොනවාදැයි සොයා බැලීමට කමිටුවක් පත්කළ බව කෘෂිකර්ම හා වැවිලි කර්මාන්ත ඇමැති මහින්ද අමරවීර පැවැසීය.
කෘෂිකර්ම අමාත්යාංශයේ ඊයේ (10) පැවැති මාධ්ය හමුවකදී ඔහු මේ බව කියා සිටියේය.
අනුර කුමාර දිසානායක ලොකු උත්සවයක් පවත්වා ආරම්භ කළ වැවක් හදා අවසන් කළේ තමන් විසින් බවද ඇමැතිවරයා පැවසීය.
අනුර කුමාර දිසානායක කෘෂිකර්ම ඇමැතිවරයාව සිටියදී තංගල්ල නගරය ආසන්න පොළොංමාරුව ප්රදේශයේ වැවක් ඉදිකරන බවට ලංකාව පුරා පෝස්ටර් අලවා තිබූ බවත්, තමාද මෙම උත්සවයට සහභාගිවූ බවත් ඇමැතිවරයා කීවේය.
තංගල්ල නගරයේ සිට පොළොංමාරුව දක්වා තොරණ් ගණනාවක් ඉදිකර තිබූ බවත් ඇමැතිවරයා පැවසීය.
“මම එතකොට නියෝජ්ය ඇමැතිවරයකු ලෙසයි කටයුතු කළේ. වැවේ කැපීම සඳහා ලොකු උත්සවයක් තිබුණා. අමුඩ ගහගත්ත ගොවීන් ආවා. ටිකිරි මැණිකෙලා කිරිබත් පෙට්ටි කරේ තියාගෙන ආවා. හැබැයි 2018 වසරේ මම කෘෂිකර්ම ඇමැති විදිහට ඇවිල්ලා තමයි වැව හදලා දුන්නේ.’’ යැයි ඇමැතිවරයා කීවේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
