ශ්රී ලංකා යුද්ධ හමුදා විදුලි හා යාන්ත්රික ඉංජිනේරු රෙජිමේන්තුව විසින් ක්රියාත්මක කරන ලද ව්යාපෘතියක් යටතේ දිගුකාලීනව භාවිත කර අයෝග්ය තත්ත්වයට පත්ව තිබූ යුද්ධ හමුදා වාහන 76ක් නවීකරණය කර යළි සේවයට එක් කර තිබේ.
යුද්ධ හමුදාධිපති ලුතිනන් ජෙනරල් ලසන්ත රොද්රිගෝ මහතාගේ උපදෙස් පරිදි “ක්ලීන් ශ්රී ලංකා” වැඩසටහනට සමගාමීව මෙම ව්යාපෘතිය ක්රියාත්මක කර ඇත.
නවීකරණය කරන ලද මෙම රථවාහන අද (24) සිට නැවත යුද්ධ හමුදාවේ භාවිතයට යොදා ගැනීමට නියමිතය.
මෙම ව්යාපෘතිය හරහා යුද්ධ හමුදාව සඳහා විදෙස් රටවලින් නව වාහන ගෙන්වීමට වැය වන අතිවිශාල විදේශ විනිමය ප්රමාණයක් ඉතිරි කරගැනීමට හැකි වී තිබේ.
එමෙන්ම, මෙම වාහන නැවත භාවිතයට යෙදවීම තුළින් යුද්ධ හමුදාව විසින් කුලී ගෙවීමේ පදනම මත ලබා ගන්නා ලද වාහන සඳහා මාසිකව වැය කරන රුපියල් මිලියන 10ක පමණ මුදලක් රජයට ඉතිරි කර දීමට ද හැකි වී ඇත.
මෙම ව්යාපෘතියේ පළමු අදියර යටතේ ට්රක් රථ, බස් රථ, වතුර බවුසර්, යුනි බෆල් රථ, කැබ් රථ, ගිලන් රථ, වෑන් රථ සහ ගලි බවුසර් ඇතුළු වාහන 76ක් මෙලෙස නවීකරණය කර යළි සේවයට එක් කර ඇත.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
