අධිකරණ පද්ධතියේ විනිවිදභාවය සහ කාර්යක්ෂමතාව ඉහළ නැංවීමේ අරමුණින් අධිකරණ ඩිජිටල්කරණය කිරීමේ වැඩසටහනක් රජය විසින් ආරම්භ කර තිබේ. අධිකරණ සහ ජාතික ඒකාබද්ධතා අමාත්යාංශය පවසන්නේ, දූෂණ සහ අක්රමිකතා අවම කර, මහජන විශ්වාසය වර්ධනය කිරීම මෙහි මූලික අරමුණු බවයි.
මෙම ව්යාපෘතියේ පළමු අදියර යටතේ ශ්රේෂ්ඨාධිකරණයේ කටයුතු ඩිජිටල්කරණය කිරීමට නියමිත අතර, ඉන් පසුව අභියාචනාධිකරණය, මහාධිකරණ, දිසා සහ මහේස්ත්රාත් අධිකරණ ඇතුළු සියලුම අධිකරණ පද්ධති මෙම වැඩසටහනට ඇතුළත් කිරීමට සැලසුම් කර ඇත.
ශ්රේෂ්ඨාධිකරණයේ ඩිජිටල්කරණ වැඩසටහනේ සමාරම්භක උත්සවය හෙට (සැප්තැම්බර් 12) පස්වරු 1.00ට කොළඹ අලුත්කඩේ විනිසුරු පුහුණු ආයතන පරිශ්රයේදී පැවැත්වෙනු ඇත. මෙම උත්සවය අගවිනිසුරු ප්රීති පද්මන් සූරසේන මහතාගේ ප්රධානත්වයෙන් සහ අධිකරණ අමාත්ය නීතිඥ හර්ෂණ නානායක්කාර මහතාගේ සහභාගීත්වයෙන් පැවැත්වීමට නියමිතයි. මෙම පියවර, මහජනතාවට සහ නීතිඥවරුන්ට වඩාත් කඩිනම් සහ පහසු සේවාවක් ලබා දීමේ අපේක්ෂාවෙන් ක්රියාත්මක වේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
