ලංකාවට ආධාර නැතුව බැරිද?

මෙරට සමස්ත පවුල් ප්‍රමාණයෙන් 71% ක් අස්වැසුම සහනාධාරය සඳහා ඉල්ලුම් කර ඇතිබව ග්‍රාමීය සංවර්ධන සමාජ ආරක්ෂණ සහ ප්‍රජා සවිබල ගැන්වීමේ අමාත්‍ය උපාලි පන්නිලගේ පවසයි.

පාර්ලිමේන්තු සැසිවාරයේදී ඔහු මේ පිළිබඳ අදහස් දැක්වා ඇත.

මෙහිදී අමාත්‍යවරයා වැඩි දුරටත් සඳහන් කර ඇත්තේ ලංකාවේ පවුල්වලින් 71% ක ප්‍රතිශතයක් ආධාර ඉල්ලන මානසිකත්වයේ සිටීම පිළිබඳ සලකා බැලිය යුතුයි යන්නයි. එමෙන්ම ග්‍රාමීය දිළිඳු බව තුරන් කිරීම තම රජයේ ප්‍රමුඛ කාර්‍ය කර ගෙන සිටින බවයි.

එමෙන්ම දිළිඳු පවුල් ලක්ෂ 20ක් ඉදිරි වසර පහ ඇතුලත සවි බල ගැන්වීමේ වැඩපිළිවලක් තම රජය මේවන විටත් ආරම්භ කර ඇති බව අමාත්‍යවරයා තව දුරටත් පවසා ඇත.

මෙම ආධාර මානසිකත්වය ජනතාව වෙත ලැබී ඇත්තේ පාලකයන්ගේ අනවශ්‍ය මැදිහත්වීමෙන් බව මේ පිළිබඳ විශ්ලේෂණයක යෙදීමෙන් තහවුරු වෙයි.

දේශපාලන උවමනාවන් වෙනුවෙන් ජනතාව අනිසි ලෙස යොදාගැනීම කලක පටන් මෙරට සිදුවූ ඛේදවාචකයකි.

සාමාන්‍ය ජනයා මුලා කරමින්, තම වරප්‍රසාද රැක ගැනීම වෙනුවෙන් දේශපාලකයින් හා ඇතැම් ආගමික ප්‍රජාව මෙලෙස ආධාර මානසිකත්වයක් රට තුළ ගොඩනැගීමට ප්‍රධානවම දායකවූවෝ වෙයි.

71% ක පවුල් සංඛ්‍යාව පමණක් නොව සමස්ත රටම ආධාර මානසිකත්වයෙන් කටයුතු කරන බව රජයන් අවබෝධ කර ගත යුතු අතර ස්වාධීනව නැගී සිටින රටක් බවට ශ්‍රී ලංකාව නැවත පත් කල යුතු බව අවධාරණය කර ගතයුතුයි.