හිටපු මහජන ආරක්ෂක අමාත්ය ටිරාන් අලස් මහතාට පාතාල කල්ලි නායකයෙකු විසින් දුරකථනය ඔස්සේ මරණීය තර්ජන එල්ල කර ඇති බව වාර්තා වේ. මේ සම්බන්ධයෙන් ඔහු විසින් වැඩබලන පොලිස්පතිවරයාට පැමිණිල්ලක් ද සිදුකර තිබේ .
පසුගිය 5 වනදා ඩුබායි හි රැඳී සිටින පාතාල කල්ලි නායකයෙකුගෙන් ඇමතුම් කිහිපයක් ටිරාන් අලස් මහතාට ලැබී ඇති අතර, එහිදී ඔහුට මෙම මරණ තර්ජන එල්ල කර ඇති බවයි වාර්තා වන්නේ.
ටිරාන් අලස් මහතා මහජන ආරක්ෂක අමාත්යවරයාව සිටියදී රටින් පලාගොස් සිටින පාතාල නායකයින් හා ඊට සම්බන්ධ පුද්ගලයින් මෙරටට ගෙන්වීමට අවශ්ය නියෝග දීම පිළිබඳව ප්රකාශ කරමින් මෙම මරණ තර්ජනය එල්ල කර ඇති බව සඳහන්ය.
මේ සම්බන්ධයෙන් වැඩබලන පොලිස්පති ප්රියන්ත වීරසූරිය මහතාගෙන් කළ විමසීමකදී ඔහු සඳහන් කළේ, හිටපු මහජන ආරක්ෂක අමාත්ය ටිරාන් අලස් මහතා විසින් තමාට ඒ සම්බන්ධයෙන් පැමිණිලි කර ඇති බවයි. ඒ අනුව සියලු අංශ දැනුවත් කර සිද්ධිය සම්බන්ධයෙන් මේ වන විට විමර්ශනයක් ආරම්භ කර ඇති බව ද වැඩබලන පොලිස්පතිවරයා වැඩිදුරටත් පැවසුවේය .
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
