පොලිස් දෙපාර්තමේන්තුවේ ඉහළ නිලධාරීන්ගේ සිට පහළ නිලධාරීන් දක්වා රැසක් සංවිධානාත්මක අපරාධ කණ්ඩායම් සමඟ සබඳතා පවත්වන බවට තොරතුරු අනාවරණය වීමත් සමඟ, ඒ පිළිබඳ පූර්ණ විමර්ශන සඳහා පොලිස් විශේෂ විමර්ශන ඒකකයේ (SIU) බලතල වැඩි කිරීමට තීරණය කර ඇත.
පොලිස්පතිවරයාගේ සෘජු අධීක්ෂණය යටතේ ක්රියාත්මක වන මෙම ඒකකය, පොලිස් නිලධාරීන්ගේ අභ්යන්තර චෝදනා සහ හැසිරීම් සම්බන්ධයෙන් විමර්ශන සිදු කරන ප්රධාන අංශයයි. කෙසේ වෙතත්, දැනට සිටින නිලධාරීන් සංඛ්යාව ප්රමාණවත් නොවීම නිසා විමර්ශන කටයුතු ප්රමාද වන බව හඳුනාගෙන තිබේ.
මේ හේතුවෙන්, විශේෂ විමර්ශන ඒකකයට තවත් නිලධාරීන් පිරිසක් අනුයුක්ත කිරීමටත්, ඔවුන්ට බුද්ධි අංශ සමඟ සෘජු සම්බන්ධතා පැවැත්වීමට අවසර ලබා දීමටත් සැලසුම් කර ඇත.
සංවිධානාත්මක අපරාධ කණ්ඩායම් සාමාජිකයන්ගේ දුරකථන සබඳතා විශ්ලේෂණය කිරීමේදී, පොලිස් නිලධාරීන් රැසක් ඔවුන් සමඟ සබඳතා පවත්වා ඇති බවට තොරතුරු හෙළි වී තිබේ. ඇතැම් නිලධාරීන් සෘජු සම්බන්ධතා නොපැවැත්වුවද, වෙනත් නිලධාරීන්ගේ උපදෙස් මත කටයුතු කර ඇති බව අනාවරණය වී ඇති අතර, ඒ පිළිබඳ මූලික විමර්ශන මෙම ඒකකය මඟින් සිදු කිරීමට නියමිතය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
