රාජ්‍ය සේවක බඳවා ගැනීම් සඳහා ආයතනවලට අනුමැතිය

රාජ්‍ය සේවයේ බඳවා ගැනීම් ක්‍රියාවලිය සමාලෝචනය සහ කාර්යමණ්ඩල කළමනාකරණය සඳහා පත් කරන ලද කමිටුවේ නිර්දේශ ක්‍රියාත්මක කිරීමට අමාත්‍ය මණ්ඩල අනුමැතිය හිමිව තිබේ.

අග්‍රාමාත්‍ය හරිනි අමරසූරිය මෙනවිය විසින් ඉදිරිපත් කරන ලද යෝජනාවකට මෙලෙස අනුමැතිය ලැබී ඇත. ඒ අනුව, රාජ්‍ය සේවයේ අත්‍යවශ්‍ය බඳවා ගැනීම් සිදු කිරීම සඳහා අදාළ අමාත්‍යාංශ සහ ආයතන වෙත අවසරය ලැබී ඇත.

රාජ්‍ය සේවයේ බඳවාගැනීම් ක්‍රියාවලිය සමාලෝචනය කරමින්, අවශ්‍යතා, ප්‍රමුඛතා සහ කාලරාමු හඳුනාගෙන, ඒ ආශ්‍රිතව අත්‍යවශ්‍යයෙන්ම සිදුකළ යුතු බඳවාගැනීම් ප්‍රමාණයන් සම්බන්ධයෙන් අවශ්‍ය පියවර ගැනීම සඳහා අග්‍රාමාත්‍ය ලේකම්ගේ ප්‍රධානත්වයෙන් නිලධාරි කමිටුවක් පත්කිරීමට පසුගිය වසරේ දෙසැම්බර් මස 30 වන දින අමාත්‍ය මණ්ඩල අනුමැතිය හිමි විය.

ඒ අනුව, අමාත්‍යාංශ විසින් තම දෙපාර්තමේන්තු සහ අනෙකුත් ආයතනවල පවතින තනතුරු පුරප්පාඩු සම්පූර්ණ කිරීම සඳහා ඉදිරිපත් කරන ලද ඉල්ලීම් සැලකිල්ලට ගෙන, ඔක්තෝබර් 02 වන දින පැවති අමාත්‍ය මණ්ඩල රැස්වීමේ දී කරනු ලැබ ඇති නිර්දේශ පරිදි බඳවාගැනීම් සිදුකිරීමට අනුමැතිය ලබා දී ඇත.

බඳවා ගැනීම් හා පුරප්පාඩු පිළිබඳ වැඩි විස්තර ඉදිරියේදී ප්‍රකාශයට පත් කිරීමට නියමිතය.

වැඩි විස්තර සඳහා : https://islandvoice.lk/drivinglicense-2/

අපගේ WhatsApp සමූහය හා එකතු වන්න ⭕⭕ 👉👉https://chat.whatsapp.com/BcraOmdo9gqJtIR3wEvkAz
පුවතකට එහා ලෝකයකට ඔබේ මනස විවර කරන සයිබර් අවකාශය Islandvoice.lk