අයගම, සමරුගම ප්රදේශයේදී ඇති වූ පුද්ගලික ආරවුලක් හේතුවෙන් සිදු කළ පහර දීමකින් පුද්ගලයෙකු ජීවිතක්ෂයට පත්ව තිබේ. මියගොස් ඇත්තේ 57 හැවිරිදි එම ප්රදේශයේම පදිංචිව සිටි පිරිමි පුද්ගලයෙකි. අසල්වැසි නිවසක පුද්ගලයෙකු සමඟ ඇති වූ බහින්බස් වීමක් පාලනය කර ගැනීමට නොහැකි වීමෙන් මෙම ඛේදවාචකය සිදුව ඇති බව පොලිසිය පවසයි.
සිද්ධිය වූ අවස්ථාවේදී පහර කෑමට ලක්ව බරපතළ තුවාල ලැබූ අදාළ පුද්ගලයා වහාම රත්නපුර රෝහලට ඇතුළත් කිරීමට පියවර ගෙන තිබුණි. එහි දැඩි සත්කාර ඒකකයේ ප්රතිකාර ලබමින් සිටියදී ඔහු මෙලෙස මියගොස් ඇති බව වාර්තා වේ. දෙදෙනා අතර පැවති කාලීන ආරවුලක් මෙම මාරාන්තික පහර දීමට හේතු වී ඇති බව මූලික විමර්ශනවලදී අනාවරණය වී ඇත.
ඝාතනය සම්බන්ධයෙන් සිදු කළ මෙහෙයුමකදී 40 හැවිරිදි සැකකරුවෙකු සමරුගම ප්රදේශයේදීම අත්අඩංගුවට ගැනීමට පොලිසිය සමත් විය. ඔහු එම ප්රදේශයේම පදිංචි අයෙකු වන අතර, පහර දීමට යොදාගත් උපකරණ හෝ ඒ සඳහා බලපෑ නිශ්චිත හේතුව පිළිබඳව මේ වන විට වැඩිදුර තොරතුරු අනාවරණය වෙමින් පවතී.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
