2026 විසර්ජන පනත් කෙටුම්පතේ (අයවැය) තෙවන වර කියවීමේ අවසන් ඡන්ද විමසීම අද (දෙසැම්බර් 05) දින පස්වරු 6.00ට සිදු කිරීමට නියමිතය.
අද දින පාර්ලිමේන්තුවේ කටයුතු පෙරවරු 9.00ට ආරම්භ වන අතර, විවාදයෙන් අනතුරුව මෙලෙස පස්වරු 6.00ට ඡන්ද විමසීම පැවැත්වීමට නියමිතය.
- ඉදිරිපත් කිරීම: 2026 වසර සඳහා වන විසර්ජන පනත් කෙටුම්පත, මුදල්, ක්රමසම්පාදන හා ආර්ථික සංවර්ධන අමාත්යවරයා ලෙස ජනාධිපති අනුර කුමාර දිසානායක මහතා විසින් පසුගිය නොවැම්බර් 7 වනදා පාර්ලිමේන්තුවට ඉදිරිපත් කරන ලදී.
- දෙවන වර කියවීම: නොවැම්බර් 14 වනදා පැවති දෙවන වර කියවීමේ ඡන්ද විමසීම, පක්ෂව ඡන්ද 160ක් සහ විරුද්ධව ඡන්ද 42ක් ලෙස වැඩි ඡන්ද 118කින් සම්මත විය.
- තුන්වන වර කියවීම: තුන්වන වර කියවීමේ විවාදය සඳහා දින 17ක කාලයක් වෙන්කර තිබුණ ද, අයහපත් කාලගුණික තත්ත්වය හේතුවෙන් සභාව රැස්වීම අවස්ථා කිහිපයකදී කල්තැබීම සිදුවිය.
මේ අතර, අයහපත් කාලගුණයෙන් පීඩාවට පත් ජනතාවට සහන සැලසීම සඳහා පරිපූරක ඇස්තමේන්තුවක් ද පාර්ලිමේන්තුවට ඉදිරිපත් කර ඇති බව පාර්ලිමේන්තු සන්නිවේදන දෙපාර්තමේන්තුව සඳහන් කළේය.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
