2021 වසරේ කිසිදු සාධාරණ හේතුවක් නොමැතිව තමන්ව අත්අඩංගුවට ගෙන රැඳවුම් නියෝග මත රඳවාගැනීමට එරෙහිව හිටපු අමාත්ය රිෂාඩ් බදියුදීන් මහතා ඉදිරිපත් කළ මූලික අයිතිවාසිකම් පෙත්සම විභාගය සඳහා 2026 මාර්තු 25 වනදා කැඳවීමට ශ්රේෂ්ඨාධිකරණය නියම කළේය.
මෙම පෙත්සම අද (02) ශ්රේෂ්ඨාධිකරණයේ විනිසුරු ශිරාන් ගුණරත්න, අචල වෙංගප්පුලි සහ ප්රියන්ත ප්රනාන්දු මහත්වරුන්ගෙන් සමන්විත ත්රිපුද්ගල මඩුල්ල ඉදිරියේ කැඳවිණි.
ඉදිරිපත් කළ පෙත්සමේදී, හිටපු ජනාධිපති ගෝඨාභය රාජපක්ෂ මහතාගේ පාලන සමයේදී, කිසිදු නීතිගත හෝ සාධාරණ හේතුවකින් තොරව අපරාධ පරීක්ෂණ දෙපාර්තමේන්තුව විසින් තමන්ව අත්අඩංගුවට ගෙන අනීතික ලෙස රඳවාගත් බවත්, එමගින් තම මූලික මිනිස් අයිතිවාසිකම් උල්ලංඝනය වූ බවත් රිෂාඩ් බදියුදීන් මහතා ප්රකාශ කර ඇත.
ඒ අනුව, මූලික අයිතිවාසිකම් උල්ලංඝනය වී ඇති බවට තීන්දුවක් ලබා දෙන ලෙස ඉල්ලා ඔහු විසින් මෙම පෙත්සම ගොනු කර තිබේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
