රෙස්ලිං වළල්ලේ පුරාවෘතයක් ලෙස ලොව පුරා ලක්ෂ සංඛ්යාත ක්රීඩාලෝලීන්ගේ ගෞරවාදරයට ලක්ව සිටින අමෙරිකානු රෙස්ලිං ශූර ජෝන් සීනා සිය ක්රීඩා දිවියේ අවසන් තරගයට අද (දෙසැම්බර් 13) ක්රීඩා කිරීමට නියමිතය.
මෙම තරගය මෙරට වේලාවෙන් හෙට (දෙසැම්බර් 14) අලුයම පැවැත්වේ. ඒ අනුව අද තරගයෙන් පසු ජෝන් සීනාගේ වසර 20කට වැඩි වෘත්තීය ක්රීඩා දිවිය අවසන් වනු ඇත. ඔහුගේ අවසන් තරගයේ ප්රතිවාදියා වන්නේ ඔස්ට්රියානු ජාතිකයෙකු වන ‘ගුන්තර්’ (GUNTHER) ය.
රෙස්ලිං ක්රීඩාවේ අමතක කළ නොහැකි සන්ධිස්ථාන රැසක් සනිටුහන් කර ඇති ජෝන් සීනා, 2001 වසරේ සිට WWE රෙස්ලිං වළල්ලේ රැඳී සිටියේය. ඔහු 17 වතාවක් WWE ශූරතා හිමිකරගෙන ඇති අතර, එය ක්රීඩකයෙකු දිනා ඇති වැඩිම ශූරතා සංඛ්යාව වේ.
අඩි 6යි අඟල් 1 (185cm)ක් උස, කිලෝග්රෑම් 114ක් බර දැඩි දේහධාරී පෙනුමක් ඇති ජෝන් සීනා, මේ වනවිට 48 හැවිරිදි වියේ පසුවේ.
![web template[1]-Recovered-Recovered-Recovered-Recovered-Recovered-Recovered-Recovered-Recovered](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-Recovered-Recovered-Recovered.png)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-8.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-7.jpg)
![web template[1]-Recovered-Recovered-Recovered-Recovered-Recovered (1)](https://islandvoice.lk/wp-content/uploads/2026/02/web-template1-Recovered-Recovered-Recovered-Recovered-Recovered-1-6.jpg)
